កីឡាករសញ្ជាតិប្រេស៊ីលមើលទៅមានភាពប្រាកដប្រជាក្នុងការចាកចេញ បន្ទាប់ពីរងការរិះគន់កាលពីឆ្នាំមុន ប៉ុន្តែទម្រង់លេងថ្មីៗរបស់គាត់បាននាំឱ្យ Amorim ចាត់ទុកអតីតកីឡាករ Real Madrid ជាផ្នែកសំខាន់នៃការកសាងឡើងវិញរបស់ក្លឹប។ កីឡាករ Casemiro បានដើរតួយ៉ាងសំខាន់នៅក្នុងយុទ្ធនាការ Europa League របស់បិសាចក្រហម ដែលជាពន្លឺចែងចាំងនៅក្នុងរដូវកាលដ៏ខកចិត្តមួយ។
នៅអាយុ ៣៣ឆ្នាំជាមួយនឹងអាជីពដ៏អស្ចារ្យនៅពីក្រោយគាត់ ទាំងបទពិសោធន៍ និងភាពជាអ្នកដឹកនាំរបស់ Casemiro អាចបង្ហាញថាមានតម្លៃមិនអាចកាត់ថ្លៃបាន ខណៈដែលលោក Amorim និងក្រុមរបស់គាត់នឹងសម្លឹងរកការចាប់ផ្តើមថ្មីនៅរដូវកាលក្រោយ។
Casemiro បាននិយាយថា៖ «ខ្ញុំបានឈ្នះអ្វីដែលខ្ញុំបានឈ្នះ»។
«ប៉ុន្តែខ្ញុំតែងតែចង់បានច្រើនជាងនេះ។ ខ្ញុំតែងតែចង់រកវា ដើម្បីឈ្នះ នោះគឺជាចិត្តគំនិតនាំការចង់ឈ្នះ»។
«មិនថាខ្ញុំលេង ឬមិនលេង ខ្ញុំនៅទីនោះជារៀងរាល់ថ្ងៃ។ នោះគឺជាខ្ញុំក្នុងនាមមនុស្ស នោះគឺជាខ្ញុំ។ ទោះខ្ញុំលេងឬអត់ អ្វីទាំងអស់ដែលខ្ញុំចង់បានគឺចង់ឱ្យ United ឈ្នះ»។
«ខ្ញុំចង់ជួយតាមគ្រប់មធ្យោបាយដែលខ្ញុំអាចធ្វើបាន ខ្ញុំនឹងនៅទីនោះ នេះជាចិត្តគំនិតរបស់ខ្ញុំ។ នោះហើយជាមូលហេតុដែលខ្ញុំបានឈ្នះអ្វីដែលខ្ញុំបានឈ្នះក្នុងអាជីពរបស់ខ្ញុំ»។
ក្លឹប Man United នឹងត្រូវជួបគូប្រជែង Tottenham Hotspur នៅ Premier League ក្នុងវគ្គផ្តាច់ព្រ័ត្រ Europa League នៅថ្ងៃទី២១ ខែឧសភា បន្ទាប់ពីកីឡាករ Casemiro បញ្ជូនបាល់អោយមិត្តរួមក្រុមបញ្ចប់ទីបាន ២គ្រាប់នៅវគ្គ ១/៤ ផ្តាច់ព្រ័ត្រ និង ២គ្រាប់នៅវគ្គពាក់កណ្តាលផ្តាច់ព្រ័ត្រទល់នឹងក្រុមម្ចាស់ផ្ទះ Athletic Bilbao ។
បិសាចក្រហមត្រូវជួបក្រុម West Ham នៅថ្ងៃអាទិត្យ ខណៈដែលពួកគេស្វែងរកការបញ្ចប់ដ៏រឹងមាំនៃយុទ្ធនាការលីករបស់ពួកគេ៕
