កីឡាករ Richarlison ត្រូវបានផ្សារភ្ជាប់ជាមួយនឹងការវិលទៅកាន់អតីតក្លឹប Everton ដោយអ្នកចាត់ការក្លឹបលោក David Moyes ចង់នាំយកខ្សែប្រយុទ្ធប្រេស៊ីលត្រឡប់មកវិញ។ កីឡាករវ័យ ២៧ឆ្នាំរូបនេះបានញាំញីដោយរបួសចាប់តាំងពីការផ្ទេររបស់គាត់ទៅ Tottenham ហើយបើយោងតាមការចេញផ្សាយរបស់ Sky Sports បានអោយដឹងថាលោក Moyes គឺជាអ្នកកោតសរសើររយៈពេលវែងចំពោះកីឡាករ Richarlison ស្របពេលក្លឹប Everton កំណត់អាទិភាពក្នុងការចុះហត្ថលេខាលើខ្សែប្រយុទ្ធថ្មីនៅរដូវក្តៅនេះ។
កីឡាករ Calvert-Lewin ត្រូវបានប្រគល់ភារកិច្ចជាប្រធានក្រុម Everton ក្នុងរយៈពេលប៉ុន្មានឆ្នាំថ្មីៗនេះ ជាមួយបញ្ហារបួសរបស់គាត់បានធ្វើឲ្យគាត់អាចបង្ហាញខ្លួនបានតែ ៣៩ប្រកួតក្នុងគ្រប់ការប្រកួតទាំងអស់ ប៉ុន្តែកីឡាករវ័យ ២៨ឆ្នាំរូបនេះផុតកុងត្រាក្នុងរយៈពេលមួយខែទៀត ហើយគាត់នឹងអាចចាកចេញក្នុងនាមជាកីឡាករគ្មានតម្លៃខ្លួន។ គាត់បានស៊ុតបញ្ចូលទីបានត្រឹមតែបីគ្រាប់នៅ Premier League នៅរដូវកាលនេះ ហើយកីឡាករ Beto ទទួលបានការចាប់អារម្មណ៍យ៉ាងខ្លាំងចំពោះការប្រយុទ្ធរបស់គាត់។
កីឡាករ Richarlison បានស៊ុតបាល់បញ្ចូលទី ១២គ្រាប់នៅក្នុងការប្រកួតទាំងអស់កាលពីរដូវកាលមុន ប៉ុន្តែបានខកខានការប្រកួតជាង ៣០ប្រកួតនៅរដូវកាលនេះ ដោយអវត្តមានរបស់គាត់បានក្លាយជាផ្នែកមួយនៃកីឡាកររបួសដ៏ច្រើនដែលគ្រូបង្វឹក Tottenham លោក Ange Postecoglou បានប្រឈមមុខក្នុងអំឡុងពេលនៃយុទ្ធនាការនេះ។
ការប្រកួតក្របខ័ណ្ឌ Premier League លើកក្រោយរបស់ Everton គឺជាការធ្វើដំណើរទៅកាន់ទឹកដី Fulham នៅថ្ងៃសៅរ៍ ខណៈដែលពួកគេសម្លឹងមើលការឡើងលើសពីចំណាត់ថ្នាក់ទី ១៤ក្នុងតារាង៕
