ក្លឹប Chelsea ត្រូវបានរាយការណ៍ថាកំពុងសម្លឹងមើលការនាំយកដ៏គួរឱ្យភ្ញាក់ផ្អើលមួយសម្រាប់អ្នកចាត់ការថ្មី ខណៈដែលពួកគេមិនជឿជាក់ទាំងស្រុងចំពោះការងារដែល Enzo Maresca បានធ្វើនៅរដូវកាលនេះ។
នេះបើយោងតាមការចេញផ្សាយរបស់ Fichajes បានអោយដឹងថាក្លឹប Chelsea កំពុងសម្លឹងមើលការផ្លាស់ប្តូរដ៏មានមហិច្ឆតាមួយដើម្បីនាំយកអតីតអ្នកចាត់ការ Carlo Ancelotti ត្រលប់មកកាន់ Stamford Bridge វិញ។
វានៅតែត្រូវបានគេមើលឃើញថា តើលោក Ancelotti នឹងចាប់អារម្មណ៍លើគម្រោង Chelsea ឬទេ ប៉ុន្តែបើយោងតាមការចេញផ្សាយរបស់ Fichajes បានបញ្ជាក់ថាក្រុមយក្សនៅភាគខាងលិចទីក្រុងឡុងដ៍សង្ឃឹមថានឹងផ្តល់ឱ្យគាត់នូវកិច្ចព្រមព្រៀងដល់ធំមួយដើម្បីនាំយកមកកាន់អង់គ្លេសវិញ៕
