យោងតាមការចេញផ្សាយរបស់សារព័ត៌មាននៅអ៊ីតាលីបានអោយដឹងថាក្លឹប Arsenal អាចនឹងផ្ទេរយកតារាឆ្នើមរបស់ក្លឹប AC Milan កីឡាករ Samuel Chukwueze ដើម្បីមកជំនួសកន្លែងរបស់កីឡាករ Bukayo Saka ដែលជួបបញ្ហារបួស។
ដោយសារកីឡាករ Saka ត្រូវអវត្តមានរយៈពេលជាច្រើនសប្តាហ៍បន្ទាប់ពីរបួសសរសៃពួរ អ្នកចាត់ការសញ្ជាតិអេស្ប៉ាញបានសម្លឹងមើលតារាឆ្នើមរបស់ក្លឹប AC Milan កីឡាករ Chukwueze ដើម្បីជាការបិទបាំងតំណែងខ្សែបម្រើស្លាបដែលចន្លោះប្រហោងនេះ។
ប្រភពដដែលបានអោយដឹងថាក្លឹប Arsenal អាចផ្តល់ជូនកីឡាករ Jakub Kiwior ក្នុងកិច្ចព្រមព្រៀងដោះដូរកីឡាករវ័យ ២៥ឆ្នាំរូបនេះ ខណៈក្លឹប Milan ត្រូវបានរាយការណ៍ថាក៏ចាប់អារម្មណ៍លើខ្សែការពាររូបនេះដូចគ្នា៕
