នាយកប្រតិបត្តិក្លឹប Bayer Leverkusen លោក Fernando Carro បានបញ្ជាក់ថា ខ្សែបម្រើ Florian Wirtz មិនទាន់ចុះកុងត្រាថ្មីនៅឡើយទេ ចំពេលមានការចាប់អារម្មណ៍ពីក្លឹបកំពូលៗជាច្រើននៅអឺរ៉ុប។
ថ្លែងទៅកាន់ Florian Plettemberg លោក Carro បាននិយាយថា៖ «បំណងប្រាថ្នារបស់យើងគឺចង់ឱ្យ Florian លេងឱ្យយើងឱ្យបានយូរតាមដែលអាចធ្វើទៅបាន។ វាពិតជាអស្ចារ្យណាស់ប្រសិនបើគាត់ស្នាក់នៅរហូតដល់ការប្រកួតបាល់ទាត់ពិភពលោកឆ្នាំ2026 មានន័យថារហូតដល់រដូវកាលក្រោយ។ លទ្ធភាពនៃការកើតឡើងគឺច្បាស់ជាង ជាមួយនឹងការបន្តកុងត្រា ដូច្នេះយើងចង់បន្តកុងត្រារបស់គាត់ខ្លាំងណាស់»៕
