កីឡាករ Martin Zubimendi និយាយថា «វាមិនពិបាកក្នុងការសម្រេចចិត្ត» បដិសេធក្លឹប Liverpool ហើយបន្តស្នាក់នៅជាមួយ Real Sociedad នោះទេ។
ថ្លែងទៅកាន់ El Diario Vasco កីឡាករអេស្ប៉ាញបាននិយាយថា «ខ្ញុំបានទៅវិស្សមកាល ហើយវាបានធ្វើឱ្យខ្ញុំភ្ញាក់ផ្អើល។ វាមិនមែនជាអ្វីដែលខ្ញុំបានគ្រោងទុកនោះទេ។ ខ្ញុំបានប្រតិកម្មពេលស្ថានការណ៍កើតឡើង។ វាជាពេលវេលាមិនស្រួលសម្រាប់ខ្ញុំ ប៉ុន្តែខ្ញុំបានថ្លឹងថ្លែងពីគុណសម្បត្តិ និងគុណវិបត្តិ ហើយបានសន្និដ្ឋានថា ជម្រើសដ៏ល្អបំផុតគឺការស្នាក់នៅបន្ត។ ខ្ញុំមិនជឿលើឱកាស ‘ម្តងក្នុងមួយជីវិត’ ទេ។ បើអ្នកពូកែ ហើយចង់សម្រេចអ្វីមួយ វានឹងមករកអ្នក។ មិនចាំបាច់ប្រញាប់ប្រញាល់ទេ។ ខ្ញុំបានមើលការវិវត្តន៍ផ្ទាល់ខ្លួនរបស់ខ្ញុំ តើខ្ញុំជានរណា និងគម្រោងរបស់ក្លឹប។ ខ្ញុំស្នាក់នៅបន្តពីព្រោះតែខ្ញុំដឹងថារដូវកាលនេះមានសារៈសំខាន់សម្រាប់ខ្ញុំនៅក្នុងក្រុម ហើយខ្ញុំនៅតែមានជំហានដែលត្រូវអនុវត្ត។ វាមិនពិបាកក្នុងការសម្រេចចិត្តនោះទេ។ មានហេតុផលជាច្រើនសម្រាប់ការសម្រេចចិត្តរបស់ខ្ញុំ ប៉ុន្តែខ្ញុំជាមនុស្សអាត្មានិយម ហើយបានគិតអំពីអ្វីដែលល្អបំផុតសម្រាប់ខ្ញុំ ហើយនោះជាការស្នាក់បន្ត»៕
