យោងតាមការចេញផ្សាយរបស់ Football Transfers បានអោយដឹងថាក្លឹប Arsenal ត្រូវបានរាយការណ៍ថាកំពុងសម្លឹងមើលខ្សែបម្រើរបស់ក្លឹប Sevilla កីឡាករ Lucien Agoumé ជាអ្នកមកបន្តតំណែងពីកីឡាករ Thomas Partey។
ខ្សែបម្រើសញ្ជាតិហ្គាណាដែលឈានចូលអាយុ ៣២ឆ្នាំនៅរដូវក្ដៅក្រោយនេះ ស្របពេលជាមួយនឹងកិច្ចសន្យាដែលនឹងផុតនៅកីឡដ្ឋាន Emirates ។ ជាមួយនឹងភាពមិនច្បាស់លាស់នៃអនាគតរបស់កីឡាករ Partey ក្រុមកាំភ្លើងធំហាក់ដូចជាសម្លឹងឃើញជម្រើសកីឡាករវ័យក្មេងនេះ ដើម្បីមកពង្រឹងជម្រើសខ្សែបម្រើរបស់ពួកគេ។
កីឡាករ Agoume ដែលជាកីឡាករជម្រើសជាតិបារាំង U21 បានបង្ហាញទម្រង់លេងយ៉ាងល្អនៅក្លឹប Sevilla បន្ទាប់ពីផ្ទេរចេញពីក្លឹប Inter Milan កាលពីខែមករា។ កីឡាករវ័យ ២១ឆ្នាំបានបង្ហាញភាពប៉ិនប្រសប់របស់គាត់ដែលធ្វើឱ្យគាត់ក្លាយជាអនាគតដ៏ទាក់ទាញសម្រាប់ Arsenal ខណៈពួកគេសម្លឹងរកការដាក់បញ្ចូលនៅយុវជនដែលមានទេពកោសល្យទៅក្នុងក្រុមថ្មីរបស់ពូកគេ។ គាត់មានអាយុក្មេងជាង Partey ជិត ១០ឆ្នាំ ដែលបានធ្វើអោយគាត់ក្លាយជាដំណោះស្រាយរយៈពេលវែងសម្រាប់ Arsenal ៕
