ការលាលែងពីតំណែងរបស់ Edu ដែលបានប្រកាសកាលពីខែមុន បានធ្វើឱ្យមានការភ្ញាក់ផ្អើលសម្រាប់ក្លឹប Arsenal ។ ហើយលោក Edu បានយល់ព្រមដឹកនាំក្រុមជាច្រើនរបស់លោក Evangelos Marinakis ដែលជាម្ចាស់ក្លឹប Nottingham Forest ដែលជាការកត់សម្គាល់ការផ្លាស់ប្តូរអាជីពដ៏សំខាន់មួយ។ លោក Jason Ayto ជំនួយការនាយកបច្ចេកទេសរបស់ Arsenal បានឡើងកាន់តំណែងនាយកកីឡាបន្តបណ្តោះអាសន្ន ដែលគាំទ្រដោយនាយកគ្រប់គ្រង Richard Garlick ។ ពួកគេនឹងទទួលខុសត្រូវសម្រាប់រាល់ប្រតិបត្តិការនៅក្នុងទីផ្សារដោះដូរនាខែមករា។
នេះបើយោងតាមការចេញផ្សាយរបស់ ESPN បានអោយដឹងថាដោយសារតែលោក Ashworth មិនទាន់មានការងារធ្វើ បានអោយធ្វើឱ្យ Arsenal ចាប់អារម្មណ៍។ ថ្មីៗនេះ បុរសវ័យ ៥៣ឆ្នាំរូបនេះបានចែកផ្លូវជាមួយក្លឹប United បន្ទាប់ពីរយៈពេល ៥ខែ។ ប្រភពដដែលបង្ហាញថាការចាកចេញរបស់គាត់បានកើតចេញពីជម្លោះជាមួយបុគ្គលិកជាន់ខ្ពស់នៅក្លឹប ដែលធ្វើអោយបាត់បង់តំណែង។
គួរកត់សម្គាល់ថា Ashworth មានទំនាក់ទំនងការងារពីមុនជាមួយ Garlick ។ អ្នកទាំងពីរបានសហការគ្នានៅ West Bromwich Albion ជាកន្លែងដែល Ashworth បម្រើការជានាយកបច្ចេកទេស ហើយ Garlick គឺជានាយក-លេខាធិការផ្នែកច្បាប់របស់ក្លឹប។ ក្រោយមក Garlick បានបន្តតំណែងជានាយកកីឡា និងបច្ចេកទេសក្នុងឆ្នាំ២០១៣ នៅពេលដែល Ashworth បានចាកចេញទៅ FA ។ ការងាររួមគ្នាពីមុនរបស់ពួកគេ ត្រូវបានគេជឿថាជាកត្តាសំខាន់ក្នុងការចាប់អារម្មណ៍របស់ Arsenal ក្នុងការនាំយក Ashworth មកទឹកដី Emirate។
លោក Garlick កំពុងដឹកនាំការស្វែងរកអ្នកបន្តតំណែងរបស់លោក Edu ដោយធ្វើការយ៉ាងជិតស្និទ្ធជាមួយអ្នកគ្រប់គ្រងក្លឹប Arsenal លោក Mikel Arteta សមាជិកក្រុមប្រឹក្សាភិបាល Tim Lewis និងសហប្រធាន Josh Kroenke ។ ក្រុមប្រតិបត្តិបានប្តេជ្ញាចិត្តចំពោះដំណើរការជ្រើសរើសហ្មត់ចត់ និងដោយចេតនា ដោយផ្តោតលើការកំណត់អត្តសញ្ញាណបេក្ខជនដែលស្របតាមចក្ខុវិស័យ និងវប្បធម៌របស់ Arsenal ។ ខណៈពេលដែលមិនមានការបន្ទាន់ភ្លាមៗដើម្បីបំពេញមុខតំណែងនេះទេ ក្លឹបមានគោលបំណងរកអោយបាននៅបេក្ខជនដែលអាចកសាងការងាររបស់លោក Edu និងជួយក្លឹប Arsenal រក្សាគន្លងឆ្ពោះទៅមុខរបស់ពួកគេ៕
