យោងតាមរបាយការណ៍មួយបានឱ្យដឹងថាក្លឹប West Ham United អាចត្រូវបានរារាំងនៅក្នុងការប៉ុនប៉ងរបស់ពួកគេក្នុងការតែងតាំងលោក Graham Potter ជាគ្រូបង្វឹកនៅភាគខាងកើតទីក្រុងឡុងដ៍ ដោយសារក្លឹប RB Leipzig របស់អាល្លឺម៉ង់ក៏ចង់តែងតាំងគាត់ជាគ្រូបង្វឹកនៅក្របខ័ណ្ឌ Bundesliga ដូចគ្នា។
ក្រុមញញួរធំបានជួបការលំបាកក្រោមការដឹកនាំរបស់លោក Julen Lopetegui នៅរដូវកាលនេះ ដោយគ្រូបង្វឹកដែលទើបតែងតាំងថ្មីបានចាញ់ ៨ ប្រកួតក្នុងចំណោម ១៦ ប្រកួតរបស់គាត់។ វាត្រូវបានគេមើលឃើញថាគាត់កំពុងស្ថិតនៅលើចំនុចចុងក្រោយ ខណៈក្លឹប West Ham កំពុងសម្លឹងរកមើលអ្នកជំនួស ប៉ុន្តែជាមួយនឹងលោក Potter ទំនង់ជាធ្វើដំណើរទៅកាន់ទឹកដីអាឡឺម៉ង់ច្រើនជាង។
របាយការណ៍ពី Alan Nixon បាននិយាយថា Potter ឥឡូវនេះកំពុងស្ថិតក្នុងជម្រើសដែលក្លឹប Leipzig ចង់បាន បន្ទាប់ពីក្លឹបអាល្លឺម៉ង់មានទម្រង់លេងមិនល្អនៅក្នុង Bundesliga និង Champions League ។
ក្រុមដែលទើបតែបង្កើតឡើងនៅក្នុងឆ្នាំ២០០៩ មិនដែលស្គាល់ពាក្យថាចាញ់ក្នុងការប្រកួតរហូតដល់ចុងខែតុលាសម្រាប់លីគកំពូលអាឡឺម៉ង់ ប៉ុន្តែបន្ទាប់មកបានរងការចាញ់ជាបន្តបន្ទាប់ចំនួន ៤ដង ដោយរួមមានការចាញ់ Wolfsburg ក្នុងលទ្ធផល ៥-១, ចាញ់ Hoffenheim នៅក្រៅផ្ទះក្នុងលទ្ធផល ៤-៣, ចាញ់ Borussia Dortmund ក្នុងលទ្ធផល ២-១ និងចាញ់នៅក្របខ័ណ្ឌ Champions League ។
ទោះជាយ៉ាងណាក៏ដោយទម្រង់លេងរបស់ពួកគេនៅ Champions League ដែលមើលទៅជាអម្រែកយ៉ាងធ្ងន់សម្រាប់លោក Marco Rose។ ក្លឹប RB Lepizg បានក្លាយជាក្រុមមួយក្នុងចំណោមក្រុម ៣ ដែលចាញ់ការប្រកួតទាំង៥ របស់ពួកគេក្នុង Champions League ដោយក្នុងនោះពួកគេបានចាញ់ Atletico Madrid, Juventus, Liverpool, Celtic និង Inter Milan ហើយពួកគេនឹងត្រូវប្រកួតជាមួយនឹងក្លឹប Aston Villa និង Sporting ជាបន្ទាប់ទៀត។ លោក Rose បានដឹងថាខ្លួនត្រូវធ្វើអោយបានល្អសម្រាប់ការប្រកួតបន្ទាប់។
ជាមួយនឹងបញ្ហានេះ លោក Potter អាចនឹងត្រូវតែងតាំងជាអ្នកចាត់ការនៅក្រុមភាគខាងកើតប្រទេសអាល្លឺម៉ង់។ គាត់នៅមិនទាន់មានការងារធ្វើនោះទេ បន្ទាប់ពីចាកចេញពីក្លឹប Chelsea កាលពី ២ឆ្នាំមុន ហើយក្លឹប RB Leipzig អាចនឹងយកគាត់ក្នុងពេលឆាប់ៗនេះ ដោយ Potter តែងតែសម្លឹងរកមើលការងារនៅក្រៅប្រទេស។ ទោះបីជាអតីតគ្រូបង្វឹក Brighton ត្រូវបានគេរាយការណ៍ថាបានច្រានចោលនៅសំណើររបស់ក្លឹប Ajax កាលពីចុងរដូវកាលមុន។
លោក Potter ត្រូវបានផ្សារភ្ជាប់យ៉ាងខ្លាំងជាមួយ West Ham ហើយរបាយការណ៍កាលពីសប្តាហ៍មុនបានបញ្ជាក់គាត់ត្រូវបានគេកំណត់ឱ្យតែងតាំងនៅក្នុងតួនាទីមុនចុងបញ្ចប់នៃសប្តាហ៍នេះ៕
