ក្លឹបសេះបង្កង់កំពុងពិភាក្សាផ្ទេរកីឡាករពីររូបនេះ! ទៅកាន់ទឹកដីអង់គ្លេស

នាយកផ្នែកកីឡារបស់ Juventus លោក Cristiano Giuntoli ត្រូវបានគេរាយការណ៍ថាបានទាញយកប្រយោជន៍ពីការប្រកួត UEFA Champions League របស់ក្លឹបជាមួយនឹងក្រុម Aston Villa ដើម្បីធ្វើការពិភាក្សានៅទីក្រុង Manchester អំពីការផ្លាស់ប្តូរកីឡាករដ៏មានសក្តានុពល។ នេះបើយោងតាមការចេញផ្សាយរបស់ ​​La Gazzetta dello Sport បានអោយដឹងថាការពិភាក្សាផ្តោតលើ Nicolò Fagioli និង Douglas Luiz ជាមួយ Manchester City និង Manchester United។

ក្លឹប Juventus មានឆន្ទៈពិចារណាលើការផ្តល់ជូនសម្រាប់ Fagioli ដោយកំណត់តម្លៃខ្សែបម្រើចន្លោះពី ២០លានអឺរ៉ូទៅ ២៥លានអឺរ៉ូ។ ទន្ទឹមនឹងនេះដែរ Douglas Luiz ដែលបានចុះហត្ថលេខាក្នុងតម្លៃ ៥០លានអឺរ៉ូក្នុងអំឡុងពេលរដូវក្តៅ នឹងអាចធ្វើការផ្ទេរក្នុងតម្លៃខ្ពស់ ឫក៏ដោះដូរជាមួយកីឡាករផ្សេងប្រសិនបើកិច្ចព្រមព្រៀងត្រូវសម្រេច។ លើសពីនេះ អ្នកចាត់ការ Thiago Motta បានបង្ហាញចំណាប់អារម្មណ៍លើខ្សែប្រយុទ្ធ Joshua Zirkzee របស់ Manchester United ដែលលោក Motta ធ្លាប់បង្វឹកនៅ Bologna ៕