យោងតាមការចេញផ្សាយរបស់ Independent ថាក្លឹបយក្សនៅក្របខណ្ឌ Premier League គឺក្លឹប Arsenal ត្រូវបានរាយការណ៍ថាចង់ចុះហត្ថលេខាលើកីឡាករបស់ក្លឹប Real Sociedad និងខ្សែបម្រើសញ្ជាតិអេស្ប៉ាញ Martin Zubimendi នៅរដូវក្តៅក្រោយ។
ក្រុមកាំភ្លើងធំកំពុងស្វែងរកកីឡាករលេខ៦ ហើយ Zubimendi ត្រូវបានចាត់ទុកថាជាខ្សែបម្រើដ៏ឆ្នើមម្នាក់នៅក្នុងពិភពលោក។ ក្លឹប Liverpool បានព្យាយាមចុះហត្ថលេខាលើកីឡាករអេស្ប៉ាញនៅរដូវក្តៅនេះ ប៉ុន្តែទីបំផុតគាត់បានសម្រេចចិត្តបន្តនៅ La Liga វិញ៕
