ក្លឹប Liverpool កំពុងតែសម្លឹងមើលការនាំយកខ្សែបម្រើ Aurelien Tchouameni របស់ក្លឹប Real Madrid ។ ប្រភពព័ត៌មានមួយនៅក្នុងប្រទេសអេស្ប៉ាញបានអះអាងកាលពីថ្ងៃព្រហស្បតិ៍ថាក្លឹប Liverpool កំពុងរៀបចំសំណើដំបូងដែលមានតម្លៃ ៦០លានអឺរ៉ូ ដើម្បីព្យាយាមនាំយកខ្សែបម្រើរូបនេះមកកាន់ Anfield ហើយឥឡូវនេះ Football Insider បានអោយដឹងថាកីឡាករ Tchouameni កំពុង «ពិចារណាលើការចាកចេញពីក្លឹប Real Madrid នៅចុងរដូវកាលនេះ»។
ព័ត៌មានថ្មីៗនេះពីអ្នកកាសែតបែលហ្ស៊ិក Sacha Tavolieri បានអះអាងថា Liverpool បាន «ទាក់ទងជាមួយភ្នាក់ងាររបស់កីឡាករ Aurelien Tchouameni ក្នុងរយៈពេលប៉ុន្មានថ្ងៃថ្មីៗនេះដើម្បីពិភាក្សាអំពីការផ្ទេរ» ចំពេលមានការអះអាងថាលោក Slot «ចាប់អារម្មណ៍» ជាមួយខ្សែបម្រើរូបនេះ៕
