ក្លឹប Bayern Munich ត្រូវបានគេរាយការណ៍ថា បានរៀបចំបញ្ជីឈ្មោះខ្សែប្រយុទ្ធចំនួន៤នាក់ ខណៈដែលពួកគេសម្លឹងរកការចំណាយប្រាក់យ៉ាងច្រើនសម្រាប់ស្វែងរកកីឡាករលេខ៩ មកធ្វើការប្រកួតប្រជែងជាមួយនឹងកីឡាករ Harry Kane។
ក្លឹប Bayern ត្រូវបានគេនិយាយថាកំពុងស្វែងរកការប្រកួតប្រជែង និងជាខ្សែប្រយុទ្ធជម្រើសទី២ បន្ទាប់ពីកីឡាករ Harry Kane។ នេះបើយោងតាមការចេញផ្សាយរបស់ Sport Bild បានអោយដឹងថា ក្រុមការងាររបស់ក្លឹប Bayern បានសម្លឹងឃើញកីឡាករ ៣រូបនៅក្របខណ្ឌអាឡឺម៉ង់។
កីឡាករ Omar Marmoush បានក្លាយជាកីឡាករសំខាន់ម្នាក់របស់ក្លឹប Eintracht Frankfurt ស្របជាមួយនឹងកីឡាករវ័យ ២១ឆ្នាំសញ្ជាតិស្លូវេនី Benjamin Sesko របស់ក្លឹប RB Leipzig និងកីឡាករ Lois Openda ដែលសុទ្ធតែលេងនៅ Bundesliga។ ហើយខ្សែប្រយុទ្ធមួយរូបទៀតនោះគឺកីឡាករ Viktor Gyokeres របស់ក្លឹប Sporting CP៕
