ក្លឹប Newcastle United ត្រូវបានគេរាយការណ៍ថាជិតឈានដល់ការចុះហត្ថលេខាលើកីឡាករឆ្នើមសញ្ជាតិហ្សកហ្ស៊ី Vakhtang Salia ដែលមានវ័យ ១៧ឆ្នាំ ហើយត្រូវបានចាត់ទុកជាកីឡាករល្អបំផុតក្នុងជំនាន់របស់គាត់។ នេះបើយោងតាមការចេញផ្សាយរបស់ The Sun បានអោយដឹងថាក្លឹបសារិកាព្រៃបានយល់ព្រមលើលក្ខខណ្ឌជាមួយក្លឹប Dinamo Tbilisi សម្រាប់យុវជនវ័យក្មេងម្នាក់នេះ។
កីឡាករ Salia បានស៊ុតបញ្ចូលទីនៅ Europa Conference League រដូវកាលនេះ គឺជាខ្សែប្រយុទ្ធដ៏មានជំនាញ អាចលេងបានទាំងខ្សែប្រយុទ្ធ និងខ្សែបម្រើប្រយុទ្ធ។ ទោះបីជាគាត់នៅក្មេងក៏ដោយ គាត់បានបង្ហាញខ្លួនជាក្រុមដំបូងចំនួន ២៧លើកសម្រាប់ក្លឹប Dinamo Tbilisi និងបានលេងអោយជម្រើសជាតិហ្សកហ្ស៊ីសម្រាប់ក្រុម U21៕
