យោងតាមការចេញផ្សាយរបស់ The Athletic បានឱ្យដឹងថា ខ្សែបម្រើស្លាបរបស់ Ajax កីឡាករ Carlos Forbs ជិតនឹងចូលរួមជាមួយ Wolverhampton Wanderers ក្នុងលក្ខខណ្ឌខ្ចីជើង ជាមួយនឹងជម្រើសផ្ទេរជាអចិន្ត្រៃយ៍។
កីឡាករជម្រើសជាតិព័រទុយហ្គាល់វ័យ ២០ឆ្នាំរូបនេះកំពុងធ្វើដំណើរទៅកាន់ប្រទេសអង់គ្លេសពីប្រទេសហូឡង់ ដើម្បីពិនិត្យសុខភាព។ ក្លឹប Wolves បានដាក់សំណើថ្មីមួយដល់ក្លឹប Ajax នៅព្រឹកថ្ងៃសុក្រ ដែលជំរុញឱ្យមានការខិតខំប្រឹងប្រែងរបស់ពួកគេដើម្បីធានាបាននូវការផ្ទេរយកយុវជនវ័យក្មេងរូបនេះ។ កិច្ចព្រមព្រៀងមួយនេះមានតម្លៃ ១៣.៥លានអឺរ៉ូ ដែលជាជម្រើសក្នុងការទិញផ្តាច់ ប្រសិនបើ Forbs ទទួលបានការចាប់អារម្មណ៍ក្នុងអំឡុងពេលខ្ចីជើងរបស់គាត់នៅក្លឹប Premier League ៕
