យោងតាមការចេញផ្សាយរបស់លោក Fabrizio Romano បានអោយដឹងថាលោក Laurie Withwell អ្នកសារព័ត៌មានរបស់ Teh Athletic បានបញ្ជាក់ថា៖ «Ten Hag ត្រូវបានគេនិយាយថាមានការខកចិត្តយ៉ាងខ្លាំងដែលការផ្ទេរយកកីឡាករ Antony មិនគឺមិនទទួលបានផលជាទីគាប់ចិត្ត… ដូចជាមានរឿងជាច្រើនកំពុងកើតឡើង»។
ប្រភពដដែលបានអោយដឹងថា៖ «ឧទាហរណ៍ នៅពេលដែល Antony បានប្រកែកជាមួយ Ten Hag អំពីការលេងនៅខ្សែការពារឆ្វេងទល់នឹង Liverpool ក្នុង FA Cup លោក Ten Hag បានច្រានគាត់នៅក្នុងបន្ទប់ផ្លាស់សំលៀកបំពាក់ ហើយប្រាប់គាត់ថាគាត់ត្រូវតែលេងកន្លែងដែលគាត់ត្រូវបានគេប្រាប់»។
«លោក Erik ten Hag ក៏បានធ្វើការរិះគន់យ៉ាងខ្លាំងចំពោះកីឡាករ Antony នៅក្នុងបន្ទប់ផ្លាស់សំលៀកបំពាក់ បន្ទាប់ពីគាត់បានអង្គុយនៅកៅអីបម្រុង នៅពេលដែលក្លឹប Man Utd យកឈ្នះទៅលើ Everton ក្នុងលទ្ធផល ២ទល់នឹង០ កាលពីខែមិនា ដែលនេះបានបង្ហាញអំពីកម្រិតដែល Antony ហាក់ដូចជាប៉ះពាល់យ៉ាងខ្លាំង»៕
