យោងតាមការចេញផ្សាយរបស់ Calciomercato បានអោយដឹងថាខ្សែការពារវ័យក្មេងរបស់ក្លឹប Sampdoria កីឡាករ Giovanni Leoni បានកំពុងទាក់ទាញចំណាប់អារម្មណ៍របស់ក្លឹបយក្សនៅ Serie A ដូចជាក្លឹប Inter និង Juventus។
ចាប់តាំងពីកីឡាករវ័យ ១៧ឆ្នាំរូបនេះមកចូលរួមជាមួយនឹងក្លឹប Sampdosria កាលពីខែមករា បានធ្វើអោយមានផលវិជ្ជមានយ៉ាងខ្លាំងដល់ក្លឹបមួយនេះ ដោយសារតែទម្រង់លេងយ៉ាងល្អរបស់គាត់នៅលើទីលាន។ ទម្រង់លេងដ៏ល្អរបស់យុវជនរូបនេះ បានធ្វើអោយក្លឹបមួយចំនួននៅ Serie A តាមដានគាត់យ៉ាងយកចិត្តទុកដាក់។
ស្របពេលនេះកីឡាករ Leoni បានរាយការណ៍ថាក្តីសុបិន្តរបស់គាត់គឺចង់លេងនៅ Premier League ប៉ុន្តែឥលូវនេះគាត់ប្រហែលជាត្រូវបន្តប្រជែងនៅក្របខណ្ឌកំពូលរបស់អ៊ីតាលីសិន។ ខាងក្លឹបក៏បាននិយាយថាពួកគេកំពុងពិចារណាសម្រាប់ការផ្ទេរយុវជនដែលមានទេពកោសល្យនេះសម្រាប់ទីផ្សារដោះដូរខាងមុខ៕
