យោងតាមសារព័ត៌មាន TNT Sports បានឱ្យដឹងថា Real Madrid កំពុងសម្លឹងមើលការផ្ទេរខ្សែបម្រើប្រយុទ្ធរបស់ River Plate កីឡាករ Franco Mastantuono ។
កីឡាករវ័យក្មេងរូបនេះទទួលបានការចាប់អារម្មណ៍ពីក្លឹបជាច្រើននៅអឺរ៉ុប ដោយមាន Manchester City និង Barcelona ក៏ចាប់អារម្មណ៍លើក្មេងជំទង់រូបនេះផងដែរ។
កីឡាករវ័យ 16 ឆ្នាំបានក្លាយជាអ្នកស៊ុតបញ្ចូលទីក្មេងបំផុតមិនធ្លាប់មាននៅក្នុងប្រវត្តិសាស្ត្របាល់ទាត់អាហ្សង់ទីន ដោយការស៊ុតបញ្ចូលទីក្នុងជ័យជម្នះ 3-0 ទល់នឹងក្រុម Excursionistas ក្នុងក្របខណ្ឌ Copa Argentina កាលពីថ្ងៃទី 8 ខែកុម្ភៈ។ មកទល់ពេលនេះគាត់បានបង្ហាញខ្លួនត្រឹមតែ 9 ដងប៉ុណ្ណោះក្នុងការប្រកួតនានា។
របាយការណ៍នេះក៏បញ្ជាក់ផងដែរថា Los Blancos នឹងនាំយក Mastantuono ទៅកាន់ Santiago Bernabeu នៅពេលដែលគាត់មានអាយុ 18 ឆ្នាំ៕
