មិនមែនម្នាក់ ឫ២នាក់!! ប៉ុន្តែ Tuchel សម្លឹងឃើញកីឡាករដល់ទៅ ៤នាក់

បរទេស៖ នេះបើយោងតាមការចេញផ្សាយរបស់ Christian Falk បានអោយដឹងថាក្លឹបយក្សនៅ Bundesliga កំពុងសម្លឹងមើលការផ្ទេរយកខ្សែបម្រើក្លឹប Argentinos Juniors កីឡាករ Federico Redondo នឹងតារាឆ្នើមរបស់ក្លឹប Juventus កីឡាករ Adrien Rabiot នៅរដូវក្តៅខាងមុខ។ កីឡាករ Rabiot ដែលនឹងក្លាយជាកីឡាករដែលគ្មានតម្លៃខ្លួននៅចុងរដូវកាលនេះ ក៏ជាគោលដៅរបសក្លឹប Barcelona និង Inter ផងដែរ។

ក្លឹបនៅអាឡឺម៉ង់មួយនេះក៏ចាប់អារម្មណ៍ចង់ចុះហត្ថលេខាយកកីឡាករ Martin Zubimendi របស់ក្លឹប Real Sociedad និងខ្សែបម្រើ Palhinha របស់ក្លឹប Fulham៕