បរទេស៖ លោក Carlo Ancelotti គ្រូបង្វឹករបស់ក្លឹប Real Madrid បានបញ្ជាក់អំពីការចាប់អារម្មណ៍ក្នុងការចុះហត្ថលេខាយកខ្សែការពារឆ្វេង Miguel Gutierrez ពិក្លឹប Girona ត្រលប់មកវិញនៅទីផ្សាដោះដូរនារដូវក្តៅខាងមុខ។ កីឡាករ Gutierrez បានចេញពីក្រុមយុវជនរបស់ក្លឹប Real Madrid ហើយបានដើរតួរយ៉ាងសំខាន់ក្នុងការជួយក្រុម Girona អោយឈរនៅកំពូលតារាងនាំរដូវកាលនេះ។ គាត់អាចនឹងត្រូវប្រឈមមុខជាមួយនឹងក្រុមចាស់របស់ខ្លួន នៅពេលដែលក្លឹបGirona ប្រកួតជាមួយនឹងក្លឹប Real Madrid នៅ Bernabeu នាថ្ងៃសៅរ៍នេះ។
នៅពេលដែលកីឡាករ Gutierrez ចាកចេញទៅកាន់ Girona កាលពីឆ្នាំ២០២២ ខាងក្លឹប Real Madrid ក៏បានដាក់បញ្ចូលនៅជម្រើសក្នុងការនាំយកគាត់ត្រលប់មកវិញនៅក្នុងកុងត្រាលក់នេះផងដែរ។ លោក Ancelotti បានសង្កត់ធ្ងន់ថាកីឡាករគ្រប់រូបក្នុងស្ថានភាពបែបនេះត្រូវបានវាយតម្លៃជាបន្តបន្ទាប់ ហើយការអភិវឌ្ឍន៍របស់ Gutierrez ក្នុងអំឡុងពេលរបស់គាត់នៅ Girona គឺគួរឱ្យកត់សម្គាល់។
លោក Ancelotti បានបញ្ជាក់នៅក្នុងសន្និសិទ្ធសារព៍ត៌មានការពីថ្ងៃសុក្រថា៖ “កីឡាករគ្រប់រូបក្នុងស្ថានភាពនេះត្រូវបានគេវាយតម្លៃជារៀងរាល់ថ្ងៃ រាល់សប្តាហ៍។ Miguel មានការរីកចម្រើនច្រើន។ បទពិសោធន៍ជាមួយក្លឹប Girona គឺល្អសម្រាប់គាត់ គាត់លេងបានល្អ ហើយនៅរដូវក្តៅនេះ យើងនឹងធ្វើការសម្រេចចិត្តរួមគ្នាជាមួយក្លឹប Girona និងកីឡាករ”៕
