បរទេស៖ ក្លឹប Manchester United និង Chelsea ត្រូវបានរាយការណ៍ថានឹងចង់ចំណាយប្រាក់ ៥២លានផោន សម្រាប់យុវជនវ័យ ១៦ឆ្នាំ សញ្ជាតិប្រេស៊ីល។ កីឡាករ Estevao Willian របស់ក្លឹប Palmeiras បានកំពុងទាក់ទាញក្លឹបធំៗជាច្រើននៅតំបន់អឺរ៉ុប។
![Argentina v Brazil - Quarter Final: FIFA U-17 World Cup](https://cdn.images.express.co.uk/img/dynamic/67/590x/secondary/5132018.jpg?r=1703592706115)
កីឡាករខ្សែបម្រើប្រយុទ្ធវ័យក្មេងរូបនេះបានលេងអោយក្រុមឈុតធំរបស់ក្លឹប Palmeiras ក្រោយធ្លាប់បានលេង ៥ប្រកួត នឹងស៊ុតបញ្ចូលទីបាន ៣គ្រាប់ អោយក្រុមយុវជនអាយុក្រោម ១៧ឆ្នាំមួយនេះ។ ក្នុងនោះក្លឹប Chelsea, United, PSG និង Barcelona បាននឹងកំពុងតាមមើលកីឡាករវ័យក្មេងរូបនេះ។
ទោះបីជាយ៉ាងណាបើយោងតាមការចេញផ្សាយរបស់ Mundo Deportivo បានអោយដឹងថាក្លឹប Barcelona អាចនឹងពិបាកក្នុងការផ្ទេរយកកីឡាកររូបនេះ ដោយសារតែបញ្ហាហរិញ្ញវត្ថុ។ ប្រភពដដែរបានបន្ថែមទៀតថាក្លឹប Chelsea និង United កំពុងប្រជែងគ្នា ដោយក្លឹបដែលមានមូលដ្ឋាននៅអង់គ្លេសទាំង ២នេះ ពេញចិត្តក្នុងការចំណាយតម្លៃ ៥២លានផោន សម្រាប់ទីផ្សារដោះដូរនាខែមករា៕