បរទេស៖ នេះបើយោងតាមការចេញផ្សាយរបស់សារព័ត៌មាន The Sun បានអោយដឹងថាក្លឹប Tottenham Hotspur កំពុងសម្លឹងរកមើលការផ្ទេរខ្សែបម្រើវ័យ ២៣ឆ្នាំរូបនេះនាខែមករា ហើយក៏បានធ្វើការសាកសួរអំពីតម្លៃផ្ទេរផងដែរ។ ក្រុមមាន់ខ្នាយមាសបានដាក់គោលដៅយកកីឡាករ Chelsea រូបនេះ ចាប់តាំងពីពេលដែលកីឡាករ James Maddison ជួបបញ្ហារបួស និងផែនការក្នុងការលក់កីឡាករ Pierre-Emile Hojbjerg នារដូវរងានេះ។
![James Maddison injury Tottenham 2023-24](https://assets.goal.com/v3/assets/bltcc7a7ffd2fbf71f5/blt81bb180e651a8173/654dec0cd50f7c040a9f7161/GOAL_-_Blank_WEB_-_Facebook_(17).png?auto=webp&format=pjpg&width=3840&quality=60)
កីឡាករ Gallagher បាននិយាយការពីខែមុន នៅពេលដែលមានការចោទសួរអំពីស្ថានភាពកុងត្រារបស់គាត់ជាមួយនឹងក្លឹប Chelsea ថា៖ “ខ្ញុំច្បាស់ថានឹងអាចដោះស្រាយបាន មនុស្សគ្រប់គ្នាដឹងថាក្លឹប Chelsea គឺជាក្លឹបរបស់ខ្ញុំ ហើយខ្ញុំចូលចិត្តលេងអោយពួកគេ។ អ្នកគាំទ្រ គឺអស្ចារ្យ ហើយខ្ញុំស្រឡាញ់ពួកគេនៅពេលនេះ។ ខ្ញុំច្បាស់ថាវានឹងអាចដោះស្រាយបាន”។
![Guehi-England](https://assets.goal.com/v3/assets/bltcc7a7ffd2fbf71f5/bltdb666aab1072f3d7/6502de47dac226407d3dbd8d/GOAL_-_Blank_WEB_-_Facebook_-_2023-09-14T111928.797.jpg?auto=webp&format=pjpg&width=3840&quality=60)
ក្នុងនោះត្រូវបានរាយការណ៍ថាមានក្លឹប Newcastle និង West Ham ក៏ចាប់អារម្មណ៍ទៅលើកីឡាករ Gallagher ដោយពួកគេចង់ពង្រឹងនៅតំបន់បម្រើ។ នៅពេលនេះ លោក Ange Postecoglou ក៏បានបញ្ជាក់អំពីការចង់បានកីឡាករ Marc Guehi របស់ក្លឹប Crystal Palace ហើយគាត់ក៏ចង់ពង្រឹងនៅតំបន់ការពារកណ្តាលផងដែរ។
![Next Spurs boss: Ange Postecoglou now clear favourite but Luis Enrique still well fancied](https://images.ps-aws.com/c?url=https%3A%2F%2Fd2x51gyc4ptf2q.cloudfront.net%2Fcontent%2Fuploads%2F2022%2F09%2F10124837%2FAnge-Postecoglou-Chris-Sutton-F365.jpg)
ជាមួយនឹងការជិតមកដល់នៃទីផ្សារដោះដូរនាសប្តាហ៍ខាងមុខ ក្លឹប Spurs នឹងធ្វើការផ្ទេរយកកីឡាករ Gallagher អោយបានកាន់តែឆាប់ ដើម្បីពង្រឹងនៅក្រុមរបស់ខ្លួន នឹងត្រលប់មកធ្វើការប្រជែងជាមួយនឹងក្លឹប Manchester City, Liverpool, Arsenal និង Aston Villa៕