ក្លឹប AC Milan សង្ឃឹមថាអាចនឹងចុះហត្ថលេខាលើកីឡាករ Jakub Kiwior នៅក្នុងទីផ្សារដោះដូរកីឡាករខែមករា ខណៈដែល Mikel Arteta បើកចំហរក្នុងការអនុញ្ញាតឱ្យខ្សែការពាររូបនេះចាកចេញពីក្លឹប។
Kiwior បានបង្ហាញខ្លួនក្នុងការទទួលជ័យជម្នះ 4-3 ទល់នឹង Luton កាលពីយប់ថ្ងៃពុធ ប៉ុន្តែមិនបានធ្វើឲ្យមានការចាប់អារម្មណ៍ឡើយ។
ក្លឹប Arsenal មានបញ្ហារបួសនៅតំបន់ការពារ ខណៈ Takehiro Tomiyasu អវត្តមានរយៈពេលយូរជាមួយនឹងរបួសកំភួនជើង ហើយ Jurrien Timber នឹងអវត្តមានរហូតដល់ខែមីនា។
ប៉ុន្តែក្រុមកាំភ្លើងធំត្រូវលក់កីឡាករមួយចំនួន ដើម្បីយកប្រាក់ទៅវិនិយោគឡើងវិញនៅក្នុងខែមករា ហើយ Arteta កំពុងពិចារណាក្នុងដោះដូរកីឡាករ Kiwior។
យោងតាមកាសែត Gazzetta dello Sport នៅក្នុងប្រទេសអ៊ីតាលី បានអោយដឹងថា AC Milan បានកំណត់គោលដៅលើ Kiwior ក្នុងការដោះដូរកីឡាករនៅថ្ងៃទី 2 ខែមករា។ ខណៈពេលដែល AC Milan ចង់ទទួលបានកិច្ចព្រមព្រៀងការផ្ទេរជាអចិន្ត្រៃយ៍។
របាយការណ៍នេះបានអះអាងថា Arteta នឹងមិនរារាំងការចាកចេញរបស់ Kiwior ប្រសិនបើមានសំណើរ។ Kiwior បានបង្ហាញខ្លួនត្រឹមតែ 478 នាទីប៉ុណ្ណោះនៅគ្រប់ការប្រកួតទាំងអស់ក្នុងរដូវកាលនេះ ហើយមិនសប្បាយចិត្តជាមួយនឹងពេលវេលាលេងរបស់គាត់នៅភាគខាងជើងទីក្រុងឡុងដ៍ឡើយ៕
