កីឡាករ Scott McTominay បានសរសើរអ្នកចាត់ការ Erik ten Hag ជាមួយនឹងការបង្ហាត់បង្ហាញទម្រង់លេង ដែលប្រសើរឡើងក្នុងជ័យជម្នះ 2-1 របស់ Manchester United លើ Chelsea។ បិសាចក្រហមបានរងការរិះគន់យ៉ាងខ្លាំង ចំពោះទម្រង់លេងរបស់ពួកគេតាំងពីចាប់ផ្ដើមរដូវកាល។
នៅពេលសួរថា តើមានអ្វីជាគន្លឹះដែលធ្វើអោយប្រសើរឡើងខ្លាំងនៅក្នុងការប្រកួតទល់នឹង Chelsea បើប្រៀបធៀបទៅនឹង Newcastle កីឡាករ McTominay បានប្រាប់ Amazon Prime ថា៖ « អ្នកគ្រប់គ្រងបង្ហាញពីកំហុសរបស់យើង ហើយមិនព្យាយាមដាក់សម្ពាធខ្លាំងពេក។ វាជាវិធីដែលគាត់បានអោយយើងហ្វឹកហាត់ចលនាស្រាលៗ ដើម្បីរក្សាថាមពល រក្សាភាពស្រស់ស្រាយ និងរីករាយសម្រាប់ការប្រកួត។ ប៉ុន្តែសម្រាប់យើង វាជាយប់មួយដែលយើងគួរតែរីករាយជាមួយអ្វីដែលយើងអាចធ្វើបាន»។
និយាយពីលទ្ធផលចាញ់ Newcastle គាត់បានលើកឡើងថា៖ «ក្នុងការចាប់ផ្តើម យើងពិតជាធ្វើបានល្អណាស់នៅក្នុងការប្រកួត ហើយជាក់ស្តែងអ្នកគាំទ្រ ពិតជារីករាយជាមួយនឹងវិធីដែលយើងបានចាប់ផ្តើម។ អ្នកគាំទ្រទាំងអស់មានការខកចិត្តយ៉ាងខ្លាំង ចំពោះរបៀបដែលយើងទប់ទល់នឹងការប្រកួតនោះ ហើយយើងដឹងច្បាស់ថាយើងមិនទាន់ល្អគ្រប់គ្រាន់នោះទេ»៕
