បរទេស៖ កីឡាករ Antony បានត្រលប់មកហ្វឹកហាត់ជាមួយនឹងក្រុមវិញហើយ ក្រោយអវត្តមានចំនួន ២សប្តាហ៍ ពាក់ព័ន្ធនឹងបណ្តឹងរបស់អតីតមិត្តស្រី អំពីការប្រើប្រាស់នៅអំពើហឹង្សា។ ចំពោះកីឡាករ Antony បានធ្វើការបដិសេធចំពោះការចោទប្រកាន់មួយនេះ នឹងបានចូលខ្លួនទៅកាន់ប៉ុស្តិ៍ប៉ូលីស ដើម្បីអោយសមត្ថកិច្ចធ្វើការសាកសួរផងដែរ។
ដោយឡែកសម្រាប់បញ្ហារបស់ Sancho គឺនៅតែដដែរ ដោយគាត់មិនស្ថិតនៅក្នុងក្រុមនោះទេ ហើយក៏មិនដឹងពេលណាគាត់អាចនឹងត្រលប់មកជួយក្រុមវិញផងដែរ។
លោក Erik ten Hag បាននិយាយអំពីរឿងទាំង២នេះ នៅក្នុងសន្និសីទកាសែតមួយកាលពីថ្ងៃសុក្រថា “បញ្ហាទាំង ២នេះ គឺមិនអាចធ្វើអ្វីបាននោះទេ ដោយមួយជាបញ្ហាផ្ទៃក្នុង និងមួយទៀតជាបញ្ហាខាងក្រៅ។ អ្នកទាំងអស់គ្នាតែងតែសួរខ្ញុំអំពីរឿងនេះ ប៉ុន្តែខ្ញុំបានឆ្លើយប្រាប់អស់ហើយទាក់ទងនឹងរឿងទាំងនេះ”៕
