អ្នកចាត់ការក្រុម Tottenham លោក Ange Postecoglou ពោរពេញដោយការសរសើរចំពោះគ្រូបង្វឹកក្រុម Arsenal លោក Mikel Arteta ប៉ុន្តែបានសារភាពថាពួកគេមានលក្ខណះពិសេសខុសប្លែកគ្នា។
វាជាការចាប់ផ្តើមដ៏គួរឱ្យរំភើបមួយក្នុងជីវិតនៅភាគខាងជើងទីក្រុងឡុងដ៍ សម្រាប់គ្រូបង្វឹកសញ្ជាតិអូស្ត្រាលី ដោយក្រុម Spurs ឈរនៅលេខរៀងទី 2 ក្នុងក្របខ័ណ្ឌ Premier League បន្ទាប់ពីការប្រកួតចំនួន 5 ។ Postecoglou នឹងទទួលបានរសជាតិដំបូងរបស់គាត់នៃការប្រកួត North London Derby នៅថ្ងៃអាទិត្យក្នុងកីឡដ្ឋាន Emirates ។
អតីតគ្រូបង្វឹក Celtic មានការចាប់អារម្មណ៍ចំពោះការដឹកនាំ Arteta ហើយសរសើថា Arsenal ជាក្លឹបដែលមិនអាចមើលស្រាលបានទេ បន្ទាប់ពីការចាប់ផ្តើមដ៏លំបាក ដែលឥឡូវនេះពួកគេកំពុងតែបង្កើនភាពខ្លាំង។
Postecoglou បាននិយាយថា៖ «ខ្ញុំគិតថា Mikel ពិតជាពូកែ ខ្លាំងតាំងពីដើមមក ដោយមានចក្ខុវិស័យពិតប្រាកដសម្រាប់ក្លឹបបាល់ទាត់ ហើយក្លឹបបានគាំទ្រគាត់ ប៉ុន្តែខ្ញុំមិនគិតថាវាប្លែកទេសម្រាប់ខ្ញុំ»។
«ដោយផ្តល់កិត្តិយសដល់ក្រុម Arsenal និងផ្តល់កិត្តិយសដល់ Mikel ដែលពួកគេបានគាំទ្រគ្នាទៅវិញទៅមក ហើយពួកគេកំពុងទទួលបានលទ្ធផលពីការខំប្រឹងរបស់ពួកគេ ដូច្នេះខ្ញុំមិនធ្វើតាមផែនការរបស់ពួកគេទេ។ យើងមានផែនការរបស់យើង។ យើងមិនចាំបាច់ធ្វើតាមពេលវេលារបស់អ្នកផ្សេងទេ យើងមិនចាំបាច់ធ្វើតាមការគិតរបស់អ្នកផ្សេងទេ។ អ្វីដែលយើងត្រូវធ្វើគឺត្រូវមានគំនិតច្បាស់លាស់អំពីអ្វីដែលយើងចង់បាន»៕
