កំពត៖ នៅថ្ងៃទី២២ ខែកញ្ញា ឆ្នាំ២០២៣ វេលាម៉ោង ១៦ នឹង១០ នាទីល្ងាច មានករណីហិង្សាដោយចេតនា និងបំផ្លិចបំផ្លាញទ្រព្យសម្បត្តិអ្នកដទៃ(វាយ នឹងកាប់ម៉ូតូ)នៅចំណុចហាងកាហ្វេទល់មុខសាលាវិទ្យាល័យ អង្គស្វាយពុំសែន ស្ថិតនៅភូមិត្រពាំងត្នោត ឃុំដំបូកខ្ពស់ ស្រុកអង្គរជ័យ ខេត្តកំពត បណ្ដាលអោយខូចខាតម៉ូតូចំនួន ៣គ្រឿង។
ក្រោយពីបានទទួលពាក្យបណ្តឹងពីជនរងគ្រោះរួច កម្លាំងអធិការដ្ឋាននគរបាលស្រុកអង្គរជ័យ ដឹកនាំដោយលោកអធិការផ្ទាល់ បានសហការជាមួយកម្លាំងប៉ុស្តិ៍ឃុំដំបូកខ្ពស់ បានធ្វើការដេញស្ទាក់ឃាត់ខ្លួនជនសង្ស័យបានចំនួន ០៦ នាក់ និងម៉ូតូជិះធ្វើសកម្មភាពចំនួន ០៦គ្រឿង ។
– ជនសង្ស័យទី១ ឈ្មោះ រ៉េន បញ្ញា ភេទប្រុស អាយុ ១៦ឆ្នាំ ជាកសិករ មានទីលំនៅភូមិត្រពាំងក្តុល ឃុំត្រពាំងសាលាខាងលិច ស្រុកបន្ទាយមាស ខេត្តកំពត។
– ជនសង្ស័យទី២ ឈ្មោះ ជឿន ចេនឌី ភេទប្រុស អាយុ ១៧ឆ្នាំ ជាកសិករមានទីលំនៅភូមិគាថាវង្សក្រោម ឃុំត្រពាំងសាលាខាងលិច ស្រុកបន្ទាយមាស ខេត្តកំពត។
– ជនសង្ស័យទី៣ ឈ្មោះ ហម សុធា ភេទប្រុស អាយុ ១៧ឆ្នាំ មានទីលំនៅភូមិត្រពាំងក្តុល ឃុំត្រពាំងសាលាខាងលិច ស្រុកបន្ទាយមាស ខេត្តកំពត។
– ជនសង្ស័យទី៤ ឈ្មោះ ហ៊ាន សុគារី ភេទប្រុស អាយុ ១៦ឆ្នាំ ជាកសិករមានទីលំនៅភូមិគាថាវង្ស ឃុំត្រពាំងសាលាខាងលិច ស្រុកបន្ទាយមាស ខេត្តកំពត ។
– ជនសង្ស័យទី៥ ឈ្មោះ ប៉ោក ពិសី ភេទប្រុស អាយុ ២១ឆ្នាំ ជាសិស្សថ្នាក់ទី 12 E នៃសាលាវិទ្យាល័យហ៊ុន សែនបរិវាស មានទីលំនៅភូមិត្រពាំងក្តុល ឃុំត្រពាំងសាលាខាងលិច ស្រុកបន្ទាយមាស ខេត្តកំពត។
– ជនសង្ស័យទី៦ ឈ្មោះ ទន់ ប៊ុនឆេង ភេទប្រុស អាយុ ១៩ឆ្នាំ ជាសិស្សថ្នាក់ទី 12 D នៃសាលាវិទ្យាល័យហ៊ុនសែនបរិវាស មានទីលំនៅភូមិត្រពាំងកំណប់ ឃុំដំបូកខ្ពស់ ស្រុកអង្គរជ័យ ខេត្តកំពត។
មូលហេតុក្រុមជនសង្ស័យធ្លាប់មានទំនាស់ពាក្យសំដីជាមួយសិស្សសាលាវិទ្យាល័យអង្គស្វាយពុំសែន ពេលក្រុមខ្លួនមកដល់ឃើញមានសិស្សអង្គុយហូបកាហ្វេនៅក្នុងហាងកាហ្វេមុខសាលាវិទ្យាល័យអង្គស្វាយពុំសែនក្រុមខ្លួនក៏បានចុះធ្វើសកម្មភាពវាយនិងកាប់ម៉ូតូរួចនាំគ្នារត់គេចខ្លួនតែត្រូវសមត្ថកិច្ចស្ទាក់ឃាត់ខ្លួនតែម្តង។
ជនសង្ស័យទាំង ៦ នាក់ និងមធ្យោបាយម៉ូតូចំនួន ៦ គ្រឿងសមត្ថកិច្ចយើងបានកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពត តាមនីតិវិធី៕
ប្រភព៖ អធិការដ្ឋាន នគរបាលស្រុកអង្គរជ័យ
