បរទេស៖ លោក Erik ten Hag បាននិយាយថា គាត់សប្បាយចិត្តជាមួយនឹងក្រុមដែលគាត់មាន ប៉ុន្តែអាចនឹងសម្លឹងរកមើលការយកកីឡាករមកថែមទៀតនៅមុនទីផ្សារដោះដូរកីឡាករបានបិទ។ គ្រូបង្វឹកសញ្ជាតិហូឡង់រូបនេះ បានចំណាយប្រាក់ប្រមាណ ១៦៥លានផោន ក្នុងការនាំយកមកនៅកីឡាករ Mason Mount, Andre Onana និង Rasmus Hojlund ប៉ុន្តែពួកគេមិនទាន់រកបាន ខ្សែបម្រើការពារនៅឡើយទេ។
នៅក្នុងសន្និសីទកាសែតមួយ លោក Erik ten Hag បានលើកឡើងថា “ក្រុមរបស់យើងគឺគ្រប់គ្រាន់ហើយ គ្រប់តំណែងទាំងអស់ក៏គ្រប់គ្រាន់ដែរ ប៉ុន្តែពួកយើងគឺ Manchester United ពួកយើងតែងតែសម្លឹងមើលការពង្រឹងបន្ថែមទៀត ហើយនៅពេលដែលមានឪកាស ពួកយើងនឹងធ្វើវាភ្លាម។ ពួកយើងតែងតែសម្លឹងរកមើលឪកាស។ ខ្ញុំគិតថាក្រុមយើងគឺល្អហើយ។ យើងជឿជាក់ថា យើងអាចទៅរកគោលដៅរបស់យើងបាន”។
គួរបញ្ជាក់ថា ក្លឹបបិសាចក្រហម និងត្រូវទៅសួរសុខទុក្ខ Tottenham នៅថ្ងៃសៅរ៍នេះ ក្រោយពួកគេបានយកឈ្នះ Wolves ក្នុងលទ្ធផល ១ទល់០ យ៉ាងពិបាកកាលពីសប្តាហ៍មុន៕
