លោក Pep Guardiola បានបញ្ជាក់ពីបញ្ហារបួសរបស់តារាឆ្នើមក្រុម Manchester City កីឡាករ Kevin de Bruyne បន្ទាប់ពីបង្ខំចិត្តប្តូរចេញក្នុងជ័យជម្នះរបស់ពួកគេជាមួយនឹងក្រុម Burnley ។
អ្នកចាត់ការទូទៅរបស់ Man City បានបង្ហើបថា De Bruyne អាចនឹងត្រូវអវត្តមាន «មួយរយៈ» ដោយជួបបញ្ហារបួសសរសៃពួរម្តងទៀត ដែលវាបានកើតឡើងលើគាត់នៅចុងបញ្ចប់នៃរដូវកាលមុន អំឡុងពេលការប្រកួតវគ្គផ្តាច់ព្រ័ត្រនៃក្របខ័ណ្ឌ Champions League ទល់នឹងក្រុម Inter ។
លោក Guardiola បានប្រាប់ BBC ថា៖ «គាត់របួសម្តងទៀត ជាអកុសលវាជារបួសកន្លែងចាស់ ដូចទៅនឹងកាលពីចុងរដូវកាលមុន អំឡុងការប្រកួតផ្តាច់ព្រ័ត្រ Champions League ទល់នឹងក្រុម Inter ហើយគាត់នឹងត្រូវអវត្តមានមួយរយៈ»៕
