យោងតាមកាសែត The Times បានអោយដឹងថាក្លឹប Arsenal បានបង្ហាញការចាប់អារម្មណ៍ជាថ្មីលើ Moises Caicedo របស់ Brighton ។
មួយវិញទៀតលោក Mikel Arteta ក៏ចង់ផ្លាស់ប្តូរសម្រាប់ខ្សែបម្រើនៅរដូវក្តៅនេះ ខណៈពេលនេះដែរ ក្រុមកាំភ្លើងធំកាន់តែខិតជិតដល់ការចុះហត្ថាលេខាជាមួយ Declan Rice។
ទោះជាយ៉ាងណាក៏ដោយ Arsenal ចង់អោយក្លឹបមានតុល្យភាពហិរញ្ញវត្ថុ ហេតុដូច្នេះពួកគេគ្រោងនឹងលក់កីឡាករមួយចំនួនដូចជា Granit Xhaka ក្នុងការផ្លាស់ទៅកាន់ Bayer Leverkusen ក្នុងតម្លៃ 15 លានផោន។
កាសែត The Times បានរាយការណ៍ថា Thomas Partey ក៏ស្ថិតនៅក្នុងបញ្ជីការផ្ទេរចេញផងដែរ ហើយមានក្លឹបនៅ Serie A ចំនួនពីរកំពុងតាមដានស្ថានភាពរបស់កីឡាករវ័យ ៣០ឆ្នាំរូបនេះ៕
