Gerard Pique បានចាកចេញកាលពីប្រាំមួយខែមុន ហើយស្លាកប្រធានក្រុមត្រូវផ្ដល់អោយកីឡាករ Sergio Busquets និង Jordi Alba។ ប៉ុន្តែក្នុងពេលនេះកីឡាករទាំងពីរូបនេះ ក៏បានប្រកាសថា ខ្លួននឹងចាកចេញនៅរដូវក្ដៅខាងមុខនេះ។
ចំពោះកីឡាករ Sergi Roberto និង Ter Stegen ពួកគេជាបេក្ខភាពប្រធានក្រុមរួចហើយ ប្រសិនបើគ្មានអ្វីកែប្រែនោះទេ អ្នកទាំងពីរនឹងត្រូវទទួលតួនាទីនេះ។
Lewandowski, Araujo និង Pedri ត្រូវបានអ្នកគាំទ្រលើកឡើងថា ពួកគេសាកសមជាប្រធានក្រុម ប៉ុន្តែកីឡាករសំខាន់ម្នាក់ទៀត គាត់បានធ្វើការប្ដេជ្ញាចិត្តយ៉ាងមុះមុតចំពោះក្លឹប គឺកីឡាករ Frenkie de Jong។ តាមពិតកីឡាករហូឡង់ធ្លាប់ពាក់ស្លាកប្រធានក្រុមជាលើកដំបូងនៅ Valladolid នៅពេលដែលគ្មានប្រធានក្រុម។
គាត់គឺជាកីឡាករដែលមានបទពិសោធន៍ច្រើនជាងគេទីពីរ នៅក្នុងក្រុមបន្ទាប់ពី Dembélé ។ ហើយកាលពីរដូវក្តៅមុន គាត់បានបង្ហាញការគោរពចំពោះអាវរបស់ Barça ហើយគាត់បាននិយាយថា៖ «គាត់សប្បាយចិត្តដែលអាចជាផ្នែកមួយរបស់ Barcelona គ្រប់យ៉ាងដែលខ្ញុំធ្វើគឺសម្រាប់ក្រុម»៕
