យោងតាមលោក Matteo Moretto របស់ Relevo បានអោយដឹងថា ខ្សែបម្រើ Ilkay Gundogan របស់ Manchester City កំពុងពិភាក្សាជាមួយ Barcelona។
មានក្លឹបជាច្រើនត្រូវបានគេនិយាយថា កំពុងតាមដានកីឡាករវ័យ 32 ឆ្នាំដែលជាហេតុនាំអោយកូនក្រុមរបស់លោក Pep Guardiola អាចនឹងចាកចេញនៅចុងបញ្ចប់នៃយុទ្ធនាការនេះ។ ពេលនេះ Man City បានត្រៀមខ្លួនរួចជាស្រេចក្នុងការប្រគល់ Gundogan នូវកិច្ចសន្យាថ្មីរយៈពេល 2 ឆ្នាំ ដើម្បីបញ្ចប់ការចាប់អារម្មណ៍របស់ Barcelona និង Arsenal ។
បើនិយាយអំពីអាទិភាពរបស់ Gundogan ប្រសិនបើគាត់ចាកចេញពី Man City នោះគាត់នឹងមិនចូលរួមជាមួយនឹង Arsenal ទេ។ Gundogan ធ្លាប់បានប្រាប់ថា គាត់ពេញចិត្តក្នុងការផ្លាស់ប្តូរទៅកាន់ Barcelona ជាង នេះបើយោងតាមរបាយការណ៍នៅក្នុងប្រទេសអេស្ប៉ាញ៕
