ក្រុម Arsenal ត្រូវបានផ្សារភ្ជាប់ជាមួយនឹងការផ្ទេរនៅរដូវក្តៅសម្រាប់ Martin Zubimendi របស់ Real Sociedad ដូច្នេះក្រុមអ្នកសារព័ត៌មានរបស់ football.london បានកំពុងតែប្រមូលរបាយការណ៍ទាំងអស់ អំពីកីឡាករអន្តរជាតិអេស្ប៉ាញរូបនេះ។
ក្រុមកាំភ្លើងធំ Arsenal ទោះបីជាមានភាពល្អប្រសើរឡើងវិញហើយក៏ដោយ ក៏នៅតែមានគោលដៅក្នុងប្រជែងយកកីឡាករបន្ថែមទៀតមករួមក្រុម។ ខណៈដែលក្រុមកាំភ្លើងធំកំពុងឈរនៅលេខ២ ក្នុងតារាង Premier League ចាញ់ក្រុម Man City ១ ពិន្ទុ ប៉ុន្តែនៅតែមានឱកាសក្នុងការប្រជែងពានលីកកំពូលអង់គ្លេស។ ហើយក្លឹបមានគម្រោងនាំយកកីឡាករសម្រាប់ការបានប្រកួតក្របខ័ណ្ឌ Champions League ជាថ្មីម្ដងទៀតនៅរដូវកាលក្រោយ។
ខ្សែបម្រើ Martin Zubimendi របស់ក្លឹប Real Sociedad ត្រូវបានផ្សារភ្ជាប់យ៉ាងខ្លាំងជាមួយនឹងការផ្លាស់ប្តូរទៅកាន់កីឡដ្ឋាន Emirates នៅរដូវក្តៅនេះ ប៉ុន្តែត្រូវបានរូបគេបដិសេធ។
កីឡាករសញ្ជាតិអេស្ប៉ាញរូបនេះបានរំលឹកឡើងវិញនូវការប្តេជ្ញាចិត្តរបស់គាត់ជាមួយ Sociedad នៅក្នុងបទសម្ភាសន៍ថ្មីៗនេះ ហើយបានបដិសេធនូវពាក្យចចាមអារ៉ាម ដែលភ្ជាប់គាត់ជាមួយនឹងការផ្លាស់ទៅកាន់ក្របខ័ណ្ឌ Premier League ។ Zubimendi បានប្រាប់ Marca ថា៖ «ខ្ញុំមិនដែលមានគម្រោងចាកចេញពី Real Sociedad ទេ។ ខ្ញុំស្រលាញ់ជីវិតនៅទីនេះ ផ្ទះខ្ញុំនៅទីនេះ ខ្ញុំសប្បាយចិត្តនៅទីនេះ។ តម្លៃនៃក្លឹបនេះគឺដូចគ្នាទៅនឹងតម្លៃនៃជីវិតរបស់ខ្ញុំ ដូច្នេះខ្ញុំមានអារម្មណ៍ល្អណាស់ ខ្ញុំគ្មានពាក្យអ្វីនិយាយក្រៅពីពាក្យថាខ្ញុំសប្បាយចិត្តនៅទីនេះ»៕
