Barcelona បានផ្តល់ឱកាសសាកល្បងសមត្ថភាពទៅឲ្យកូនប្រុសរបស់វីរបុរសក្លឹបគឺកីឡាករ Ronaldinho Joao Mendes de Assis Moreira ដូចដែលបានរាយការណ៍ដោយ ESPN ។ បើយោងតាម Diario Sport បានឲ្យដឹងថាកីឡាករវ័យ 17 ឆ្នាំរូបនេះនៅជាមួយក្រុមយក្សអេស្ប៉ាញ បន្ទាប់ពីបញ្ចប់កិច្ចសន្យាជាមួយក្លឹបប្រេស៊ីល Cruzeiro កាលពីដើមខែនេះ ។
Mendes អាចនឹងចុះហត្ថលេខាដើម្បីចូលរួមជាមួយក្រុមយុវជនអាយុក្រោម 19 ឆ្នាំរបស់ក្លឹប Barcelona ដែលមានឈ្មោះថា Juvenil A ប្រសិនបើគាត់អាចចាប់អារម្មណ៍លេងនៅ Camp Nou។
ឥឡូវនេះ Mendes អាចដើរតាមគន្លងឪពុកដ៏ល្បីល្បាញរបស់គាត់ ដោយអាចចុះហត្ថលេខាជាមួយក្លឹបយក្សកាតាឡាន និងចូលរួមជាមួយក្រុមយុវជនរបស់ក្លឹប។ សាលាថ្នាលរបស់ Barca ត្រូវបានគេស្គាល់ទូទាំងពិភពលោក ហើយថ្មីៗនេះគ្រប់គ្នាបានឃើញកីឡាករវ័យក្មេងដែលមានទេពកោសល្យដូចជា Gavi, Ansu Fati និង Alejandro Balde បាន Promote ចូលទៅកាន់ក្រុមឈុតធំ៕
