ខ្សែការពារ Perr Schuurs របស់ក្លឹប Torino បានចូលក្នុងបញ្ជីសម្រាំងរបស់ Liverpool ខណៈដែលពួកគេបានព្យាយាមស្វែងរកកីឡាករសម្រាប់ការជំនួសតំណែង Virgil van Dijk ដែលជាបេះដូងនៃខ្សែការពាររបស់ពួកគេ នេះបើយោងតាមការចេញផ្សាយរបស់ Tuttomercatoweb ។
Schuurs វ័យ 22 ឆ្នាំបានច្រានចោលការចាប់អារម្មណ៍ពីក្លឹបធំៗមួយចំនួននៅអឺរ៉ុប ដើម្បីចូលរួមជាមួយ Torino ពី Ajax កាលពីរដូវក្តៅមុនក្នុងកិច្ចព្រមព្រៀង 9 លានអឺរ៉ូ ហើយទទួលបានការកោតសរសើរយ៉ាងខ្លាំងនៅក្នុងប្រទេសអ៊ីតាលីរហូតមកដល់ពេលនេះ។
គួរបញ្ជាក់ផងដែរថាក្លឹប Atletico Madrid ក៏កំពុងសម្លឹងមើលគាត់ជាគោលដៅសក្តានុពលសម្រាប់រដូវក្តៅក្រោយផងដែរ៕
