ខ្សែប្រយុទ្ធ Cristiano Ronaldo របស់ក្រុម Manchester United បានបង្ហោះសារពីរម៉ាត់នៅលើ Instagram បន្ទាប់ពីក្រុមរបស់គាត់បានយកឈ្នះក្រុម Leicester City ក្នុងលទ្ធផល 1-0 ក្នុងក្របខ័ណ្ឌ Premier League ។
ក្រុមទាំងពីរបានប្រឈមមុខដាក់គ្នានៅកីឡដ្ឋាន King Power កាលពីថ្ងៃព្រហស្បតិ៍ទី 1 ខែកញ្ញា។ Ronaldo បានចាប់ផ្តើមនៅកៅអីបម្រុងសម្រាប់ការប្រកួតក្នុងលីកបីលើកជាប់ៗគ្នា ខណៈដែលលោក Erik ten Hag បានដាក់ជម្រើស 11នាក់ដំបូងដូចទៅនឹងពេលក្រុមរបស់គាត់ទទួលជ័យជម្នះលើក្រុម Liverpool និង Southampton។
ក្រោយទទួលបានជ័យជម្នះ Cristiano Ronaldo បានបង្ហោះរូបខ្លួនឯង និងខ្សែបម្រើ Casemiro ដែលជាកីឡាករបម្រុងដូចគ្នា ហើយបានសរសេថា៖ «ជ័យជំនះដ៏អស្ចារ្យ»។
គួរបញ្ជាក់ផងដែរថា ការទទួលជ័យជម្នះ 1-0 លើក្រុម Leicester បានធ្វើឱ្យ Man United ឡើងទៅកាន់ចំណាត់ថ្នាក់ទី 5 ក្នុងតារាង Premier League ។ ពួកគេមាន ៦ពិន្ទុតាមពីក្រោយក្រុមឈរកំពូលតារាង Arsenal ដែលពួកគេនឹងជួបប្រកួតនៅថ្ងៃអាទិត្យ ទី៤ ខែកញ្ញា នៅកីឡដ្ឋាន Old Trafford៕
