Michael Owen ជឿជាក់ថា Manchester United នឹងមិនអនុញ្ញាតឱ្យ Cristiano Ronaldo ចាកចេញពី Old Trafford ទេ លុះត្រាតែពួកគេស្វែងរកអ្នកជំនួសដែលសមរម្យ។
កីឡាករវ័យ 37 ឆ្នាំរូបនេះត្រូវបានគេរាយការណ៍ថាចង់ចាកចេញពីបិសាចក្រហមនៅរដូវក្តៅនេះ ដើម្បីស្វែងរកការប្រកួតបាល់ទាត់ក្របខ័ណ្ឌ Champions League ។ ប៉ុន្តែដោយសារ Anthony Martial រងរបួស ហើយ Edinson Cavani មិនបន្តនៅជាមួយក្លឹប ការចាកចេញរបស់ Ronaldo នឹងធ្វើឱ្យ Erik ten Hag មានភាពស្មុគ្រស្មាញ។
ថ្លែងទៅកាន់ DAZN លោក Owen បាននិយាយថា៖ «ខ្ញុំមិនបានគិតថា Ronaldo នឹងស្នាក់នៅជាមួយ Man Utd ទេកាលពីមួយសប្តាហ៍មុន ប៉ុន្តែឥឡូវនេះខ្ញុំគិតថាគាត់នឹងបន្ត។ ប្រសិនបើគាត់ទៅ ពួកគេនឹខ្វះខាតនៅតំបន់ប្រយុទ្ធ ហើយចំនួនគ្រាប់ដែលគាត់ស៊ុតបានកាលពីរដូវកាលមុន តើអ្នកណាដែលអាចជំនួសគាត់បាន? ដូច្នេះខ្ញុំគិតថាគាត់នឹងបន្តនៅបិសាចក្រហម រហូតដល់ក្លឹបអាចរកអ្នកជំនួសគាត់បាន»៕
