តារាឆ្នើមរបស់ក្លឹប Paris Saint-Germain កីឡាករ Neymar បច្ចុប្បន្នកំពុងត្រូវបានពិចារណា ដើម្បីជំនួសតំណែង Cristiano Ronaldo នៅក្លឹប Manchester United ដោយខ្សែប្រយុទ្ធសញ្ជាតិព័រទុយហ្គាល់រូបនេះ មានបំណងចាកចេញពីទឹកដី Old Trafford ។
ខណៈពេលដែលបិសាចក្រហមបានទទូចថាកីឡាករវ័យ 37 ឆ្នាំមិនមែនសម្រាប់លក់ក្នុងទីផ្សារដោះដូរកីឡាករនារដូវក្តៅនេះទេ ខ្សែប្រយុទ្ធដែលបានឈ្នះពានរង្វាន់ Ballon d’Or ប្រាំសម័យកាល ត្រូវបានគេរាយការណ៍ថា មានការជួបប្រជុំដើម្បីបង្ហាញពីការសម្រេចចិត្តរបស់គាត់ក្នុងការចាកចេញ។
ជាមួយនឹងចង់ចាកចេញរបស់ Cristiano Ronaldo ក្រុម Manchester United កំពុងស្វែងរកជម្រើសផ្សេងទៀត ដើម្បីជំនួសតំណែងរបស់គាត់។ យោងតាមសារព័ត៌មាន Mirror បានឲ្យដឹងថាតារាឆ្នើមរបស់ក្លឹប PSG កីឡាករ Neymar រួមជាមួយ Ivan Toney របស់ក្លឹប Brentford, Wissam Ben Yedder របស់ក្លឹប AS Monaco និង Sasa Kalajdzic របស់ក្លឹប VfB Stuttgart កំពុងត្រូវបានពិចារណាដោយក្លឹប Manchester ។
គោលដៅផ្សេងទៀតដែល Man Utd ត្រូវបានផ្សារភ្ជាប់ជាមួយនឹងតារាឆ្នើមរបស់ Barcelona កីឡាករ Memphis Depay និង Antony របស់ Ajax ។ ទោះជាយ៉ាងណាក៏ដោយ ឈ្មោះដ៏គួរឱ្យភ្ញាក់ផ្អើលបំផុតនៅក្នុងបញ្ជីគឺ Neymar របស់ក្លឹប PSG ដែលប្រហែលជាគាត់ មិនព្រមបោះបង់ការប្រកួតបាល់ទាត់ក្របខ័ណ្ឌ Champions League នៅរដូវកាលក្រោយនោះទេ៕
