យោងតាមសារព័ត៌មាន Le Parisien ឲ្យដឹងថាក្លឹប PSG បានផ្តល់ជូនខ្សែបម្រើស្លាបសញ្ជាតិប្រេស៊ីលកីឡាករ Neymar ជាផ្នែកនៃកិច្ចព្រមព្រៀងដោះដូរ ដែលពាក់ព័ន្ធនឹង Bernardo Silva របស់ Manchester City ។
ក្រុមមេឃខៀវមិនមានចេតនាចែកផ្លូវជាមួយកីឡាករសញ្ជាតិព័រទុយហ្គាល់របស់ពួកគេនោះទេ ដែលនេះជាមូលហេតុដែលពួកគេបដិសេធមិនចូលពិភាក្សាជាមួយក្លឹបយក្សបារាំង។
Barcelona គឺជាក្លឹបមួយផ្សេងទៀត ដែលត្រូវបានទាក់ទងជាមួយ Bernardo Silva ក្នុងប៉ុន្មានសប្តាហ៍ថ្មីៗនេះ។ ទោះជាយ៉ាងណាក៏ដោយ ការដេញថ្លៃជាផ្លូវការណាមួយពីក្រុមរបស់លោក Xavi ត្រូវបានគេរំពឹងថានឹងពឹងផ្អែកលើការលក់ Frenkie de Jong៕
គួររំលឹកឡើងវិញដែរថា Neymar ដែលជាកីឡាករដែល PSG បានចុះហត្ថលេខាក្នុងតម្លៃកំណត់ត្រាពិភពលោកចំនួន ២២២ លានអឺរ៉ូកាលពីប៉ុន្មានរដូវកាលមុន។ កីឡាករប្រេស៊ីលរូបនេះរកបាន 100 គ្រាប់ និង Assists ចំនួន 60 ដងក្នុងការបង្ហាញខ្លួន 144 លើកសម្រាប់ PSG នៅគ្រប់ការប្រកួតទាំងអស់ ប៉ុន្តែមិនបានជួយក្រុមឱ្យឈ្នះ Champions League នោះទេ៕
