វីរបុរសប្រេស៊ីល និងជាអតីតកីឡាកររបស់ក្លឹប Barcelona លោក Rivaldo បានផ្តល់យោបល់នូវគោលដៅបន្ទាប់របស់ខ្សែប្រយុទ្ធ Cristiano Ronaldo របស់ក្រុម Manchester United ។
កីឡាករដែលចូលនិវត្តន៍រូបនេះ ជឿជាក់ថាគូប្រជែង Chelsea អាចជាគោលដៅដ៏ល្អសម្រាប់កីឡាករព័រទុយហ្គាល់ ដែលមិនចង់ឈប់លេងនៅកម្រិតខ្ពស់បំផុតនៅឡើយ។
Rivaldo បានប្រាប់ betting.betfair៖ «ខ្ញុំមើលឃើញថា Chelsea ជាជម្រើសដ៏ល្អក្នុងការបន្តអាជីពរបស់គាត់នៅកម្រិតខ្ពស់បំផុត ដោយប្រកួតប្រជែងទាំងក្នុងក្របខ័ណ្ឌ Premier League និង UEFA Champions League។ ការតស៊ូដណ្តើមពានរង្វាន់ ដែលជាអ្វីដែលគាត់ពិតជាចាត់ទុកថាសំខាន់បំផុតនៅដំណាក់កាលចុងក្រោយនៃអាជីពរបស់គាត់»៕
