Real Madrid បានប្រកាសពីការចុះហត្ថលេខាលើកីឡាករ Antonio Rudiger កាលពីថ្ងៃទី 20 ខែមិថុនានេះ។
វាជាដំណើរដ៏វែងឆ្ងាយសម្រាប់ខ្សែការពារអាល្លឺម៉ង់ដែលបានបង្កើតកេរ្តិ៍ឈ្មោះដំបូងកាលនៅក្លិប Stuttgart។ គាត់បានចូលរួមជាមួយក្រុមអ៊ីតាលី AS Roma បន្ទាប់ពីនោះបានចូលរួមជាមួយ Chelsea ក្នុងឆ្នាំ 2017 ។
ក្រោមការដឹកនាំរបស់លោក Antonio Conte ហើយបន្ទាប់មកលោក Maurizio Sarri ខ្សែការពារសញ្ជាតិអាល្លឺម៉ង់ Rudiger បានអភិវឌ្ឍទៅជាខ្សែការពារដែលពោរពេញដោយសកម្មភាព។ គាត់បានប្រឈមមុខនឹងការលំបាកក្រោមការដឹកនាំរបស់វីរបុរស Chelsea លោក Frank Lampard។
ប៉ុន្តែក្រោយមកក្រោមការដឹកនាំរបស់លោក Thomas Tuchel មិនត្រឹមតែពង្រឹងខ្សែការពាររូបនេះឡើងវិញប៉ុណ្ណោះទេ ប៉ុន្តែថែមទាំងបានជួយ Rudiger ឲ្យឡើងដល់កម្រិតមួយថ្មីផ្សេងទៀត។ គាត់បានក្លាយជាសមាជិកដ៏សំខាន់ និងជាអ្នកដឹកនាំការពាររបស់ក្រុម ដែលបានបន្តឈ្នះពានរង្វាន់ UEFA Champions League, UEFA Super League និង FIFA Club World Cup ។ Rudiger ក៏ត្រូវបានបញ្ចូលទៅក្នុង UEFA Player of the Tournament កាលពីរដូវកាលមុនផងដែរ។
កិច្ចសន្យារបស់គាត់បានអស់សុពលភាពជាមួយ Chelsea នៅរដូវក្តៅនេះ ហើយឥឡូវនេះបានចូលរួមជាមួយ Real Madrid ដោយគ្មានតម្លៃផ្ទេរ។ មានហេតុផលបួនយ៉ាងដែលអ្នកគាំទ្រ Real Madrid គួររំភើបចិត្តចំពោះការមានខ្សែការពារសញ្ជាតិអាល្លឺម៉ង់រូបនេះ ដែលរួមមាន៖
១. មិនអស់ថ្លៃផ្ទេរ
២. ជាជំនួយដល់ Alaba ដែលលេងនៅតំបន់ការពារខាងឆ្វេង ឬ Militao ដែលលេងនៅតំបន់ការពារខាងស្តាំ
៣. កំលាំង និងកាយសម្បទាល្អ
៤. មានបេះដូងស្រលាញ់ Real Madrid៕
