ប្រធានក្លឹប Inter Miami លោក David Beckham បានឆ្លៀតទាញយកអត្ថប្រយោជន៍ពីវិស្សមកាលរដូវក្តៅរបស់ Arturo Vidal ដើម្បីព្យាយាមចុះហត្ថលេខាលើកីឡាករសញ្ជាតិឈីលី ហើយនាំគាត់ទៅ MLS ។
ទោះបីជាយ៉ាងណាក៏ដោយ វានឹងមានការលំបាកក្នុងការប្រជែងយកខ្សែបម្រើរូបនេះ ខណៈដែលគាត់ត្រូវបានក្រុមជាច្រើនមកពីក្នុង និងក្រៅទ្វីបអឺរ៉ុបចង់បាន។
Vidal វ័យ 35 ឆ្នាំបាននៅក្នុងរដ្ឋ Florida ដើម្បីចូលរួមក្នុងការប្រកួត A Beautiful Game ដែលត្រូវបានរៀបចំដោយ Roberto Carlos និង Ronaldinho ។
Beckham បានឆ្លៀតឱកាសបើកកិច្ចពិភាក្សាជាមួយ Vidal ។ កីឡាករសញ្ជាតិឈីលីបច្ចុប្បន្នលេងឱ្យក្លឹប Inter Milan នៃក្របខណ្ឌ Serie A របស់អ៊ីតាលី៕
