Antonela Roccuzzo ភរិយារបស់ Lionel Messi បានបង្ហោះសារជូនពរដល់តារាឆ្នើម Paris Saint-Germain ខណៈដែលគាត់ប្រារព្ធខួបកំណើតគម្រប់ 35 ឆ្នាំរបស់គាត់។
Messi បានស្ថិតនៅចំណុចកំពូលនៃបាល់ទាត់ក្នុងអាជីពរបស់គាត់ដែលមានរយៈពេលជាង 17 ឆ្នាំ ហើយនៅពេលនោះគាត់បានឈ្នះពានរង្វាន់ជាច្រើនផងដែរ ដែលរួមមានពានរង្វាន់ UEFA Champions League, La Liga, Copa America, ពាន Ligue 1 និង Copa del Rey ហើយនៅមានពានរង្វាន់មួយចំនួនផ្សេងទៀត រួមទាំងបានឈ្នះពានរង្វាន់ Ballon d’Or ចំនួន ៧ដង។
ថ្ងៃទី 24 ខែមិថុនានេះ តារាឆ្នើមសញ្ជាតិអាហ្សង់ទីនបានប្រារព្ធខួបកំណើតគម្រប់ 35 ឆ្នាំរបស់គាត់ ហើយប្រពន្ធរបស់គាត់ Antonela Roccuzzo បានផ្ញើការជូនពរខួបកំណើតដ៏ផ្អែមល្ហែមដល់តារាឆ្នើម PSG ។
នាងបានសរសេរនៅលើបណ្តាញ Instagram ថា៖ «រីករាយថ្ងៃកំណើតប្តីសម្លាញ់។ ស្រលាញ់បងលើសពីអ្វីទាំងអស់»។
គួររំលឹកឡើងវិញដែរថា Lionel Messi និង Antonela Roccuzzo គឺជាគូស្នេហ៍វ័យកុមារ ដោយកីឡាករអាហ្សង់ទីនរូបនេះបានផ្តើមស្នេហារបស់គាត់នៅអាយុត្រឹមតែ 9 ឆ្នាំប៉ុណ្ណោះ។ ស្នេហារបស់ពួកគេមានភាពស្អិតរមួតកាន់តែខ្លាំងឡើងក្នុងរយៈពេលប៉ុន្មានឆ្នាំមកនេះ ហើយអ្នកទាំងពីរបានចាប់ផ្ដើមចំណងស្នេហ៍នៅថ្ងៃទី ៣០ ខែ មិថុនា ឆ្នាំ ២០១៧។
ភាពជោគជ័យដ៏ធំធេងរបស់ Messi ក្នុងវិស័យបាល់ទាត់បានកើតឡើង ស្របពេលជាមួយនឹងភាពជាឪពុកដ៏គួរឱ្យកោតសរសើររបស់គាត់ ដោយខ្សែប្រយុទ្ធ PSG និង Roccuzzo បានទទួលផ្លែផ្កាពីចំណងស្នេហា គឺកូនចំនួនបីនាក់មានដូចជា Mateo, Thiago និង Ciro៕
