បរទេស៖ នេះបើយោងតាមការចេញផ្សាយរបស់លោក Fabrizio Romano បានអោយដឹងថាក្លឹប Liverpool បានទទួលយកនៅសំណើរចុងក្រោយរបស់ក្លឹប Bayern សម្រាប់ការទិញយក Sadio Mane ហើយ ខណៈពេលគាត់សុំធ្វើការចាកចេញដោយមានការគោរព។ កិច្ចព្រមព្រៀងទាំងមូលត្រូវបានឈានដល់ការប្រជុំលើកចុងក្រោយនៅអង់គ្លេសក្នុងថ្ងៃនេះ។ កុងត្រាចាប់ផ្តើមរៀបចំ ស្របពេលការធ្វើតេស្តសុខភាពនឹងធ្វើឡើងនៅពេលឆាប់ៗខាងមុខ។
ក្នុងនោះ Bayern នឹងផ្តល់អោយ Liverpool នៅទឹកប្រាក់ ៣២លានអឺរ៉ូ សម្រាប់ការផ្ទេរ Sadio Mane។ កុងត្រារៀបចំរួចរាល់សម្រាប់ការចុះហត្ថលេខា ដែលមានរយៈពេល ៣ឆ្នាំ រហូតដល់ខែមិថុនា ឆ្នាំ២០២៥។ ការពន្យាពេលនេះ ដោយសារតែ Liverpool ចង់ចុះហត្ថលេខាយក Nunez ជាមុនសិន មុននឹងយល់ព្រមអោយ Mane ចាកចេញ។ ក្នុងនោះ Liverpool ក៏ទទួលបានអត្ថប្រយោជន៍បន្ថែម ដែលធ្វើអោយកញ្ចប់សំណើរនេះ មានទឹកប្រាក់សរុបប្រមាណ ៤០លានអឺរ៉ូ៕
