Manchester United ត្រូវបានគេរាយការណ៍ថាបានចូលរួមជាមួយ Newcastle United និង West Ham United ក្នុងការប្រជែងគ្នាដើម្បីចុះហត្ថលេខាលើខ្សែបម្រើរបស់ក្លឹប Southampton គឺកីឡាករ James Ward-Prowse ។
បិសាចក្រហមកំពុងស្វែងរកការពង្រឹងខ្សែបម្រើ ក្រោមការដឹកនាំរបស់លោក Erik ten Hag បន្ទាប់ពីការចាកចេញរបស់កីឡាករមួយចំនួនដូចជា Juan Mata, Paul Pogba, Nemanja Matic និង Jesse Lingard ។
Ward-Prowse បច្ចុប្បន្នមានវ័យ 27 ឆ្នាំ ខ្សែបម្រើសញ្ជាតិអង់គ្លេសរូបនេះបានបង្ហាញខ្លួន 42 ប្រកួតឱ្យក្រុមរបស់លោក Ralph Hassenhuttl ដោយស៊ុតបញ្ចូលទីបាន 11 គ្រាប់ និងបញ្ជូនបាល់ឱ្យមិត្តរួមក្រុមបញ្ចប់ទីចំនួន 8 ដង។
សម្រាប់តម្លៃត្រូវបានគេប៉ាន់់ប្រមាណថា Manchester United, Newcastle ឬ West Ham ដើម្បីទាក់ទាញ Ward-Prowse ឱ្យចាកចេញពីទឹកដី St Mary’s គឺត្រូវចំណាយប្រាក់ប្រមាណជា ៧៥ លានផោន ៕
