លោក Ronaldinho អតីតតារាឆ្នើមរបស់ក្រុម Barcelona បានលើកសរសើរចំពោះខ្សែប្រយុទ្ធរបស់ក្លឹប Liverpool ហើយបានសង្កត់ធ្ងន់ថា គាត់រីករាយនឹងការប្រកួតរបស់ក្រុមហង្សក្រហម។
Luis Diaz, Mohamed Salah និង Sadio Mane បានបង្កើតជាប្រព័ន្ធប្រយុទ្ធដ៏អស្ចារ្យមួយកាលពីរដូវកាលមុន ដែលនាំឱ្យក្រុមរបស់លោក Jurgen Klopp ឈ្នះពានរង្វាន់ FA Cup និង Carabao Cup ប៉ុន្តែត្រូវបានខកខានសម្រាប់ពានរង្វាន់ក្របខ័ណ្ឌ Premier League និង Champions League ។
Ronaldinho បានប្រាប់ JOE ថា៖ «វាពិបាកក្នុងការជ្រើសរើសថាក្រុមមួយណាល្អជាងមួយណា។ ខ្ញុំចាប់អារម្មណ៍កីឡាករជាច្រើនពីក្លឹបផ្សេងៗគ្នា»។
«វាពិបាកក្នុងការជ្រើសរើសយកតែម្នាក់។ ក្លឹបនីមួយៗមានកីឡាករដ៏អស្ចារ្យនៅក្នុងក្រុមពួកគេដែលខ្ញុំចូលចិត្តមើល ប៉ុន្តែខ្ញុំគិតថាកីឡាករតំបន់ប្រយុទ្ធសម្រាប់ Liverpool គឺជាកីឡាករដែលខ្ញុំចូលចិត្តមើលនាពេលបច្ចុប្បន្ន»។
ខណៈ Diaz ចូលរួមជាមួយ Liverpool ក្នុងខែមករា ហើយអនាគតរបស់ Salah និង Mane នៅតែមិនទាន់ប្រាកដប្រជា ប៉ុន្តែ Salah មានដំណឹងថាគាត់នឹងបន្តនៅជាមួយក្លឹបរហូតដល់រដូវកាលក្រោយ ដោយកុងត្រារបស់គាត់នឹងបន្តដល់ឆ្នាំ ២០២៣។
ទន្ទឹមនឹងនេះដែរ Mane ត្រូវបានផ្សារភ្ជាប់ជាមួយនឹងការផ្លាស់ទៅ Bayern Munich ហើយគាត់ត្រូវបានគេរំពឹងថានឹងចាកចេញពី Merseyside នៅរដូវក្តៅ៕
