ក្លឹបយក្សនៅ Premier League បានបង្ហាញចំណាប់អារម្មណ៍យ៉ាងខ្លាំងលើខ្សែបម្រើស្លាបរបស់ក្លឹប Ajax ដែលបានធ្វើបានយ៉ាងល្អក្រោមការដឹកនាំរបស់លោក Erik ten Hag អំឡុងពេលគាត់នៅជាមួយក្លឹបហូឡង់មួយនេះ។
យោងតាមការចេញផ្សាយរបស់ Metro បានឲ្យដឹងថាក្លឹបបិសាចក្រហម Manchester United បានដាក់សំណើចំនួន 45 លានអឺរ៉ូ ដើម្បីចុះហត្ថលេខាលើកីឡាករអន្តរជាតិប្រេស៊ីល Antony។
ខ្សែបម្រើស្លាបវ័យ 22 ឆ្នាំរូបនេះគឺជាតារាឆ្នើមម្នាក់ក្រោមការដឹកនាំរបស់ Ten Hag សម្រាប់ក្រុម Ajax កាលពីរដូវកាលមុន ដោយស៊ុតបញ្ចូលទីបាន 12 គ្រាប់ និងបញ្ជូនបាល់ឱ្យមិត្តរួមក្រុមបាន 10 ដងក្នុងការប្រកួតចំនួន 33 ដែលគាត់បានលេងក្នុងការប្រកួតផ្សេងៗគ្នា។
អ្នកចាត់ការសញ្ជាតិហូឡង់ចាប់អារម្មណ៍នឹងទេពកោសល្យរបស់កីឡាករបាល់ទាត់ប្រេស៊ីលរូបនេះ បន្ទាប់ពីបានគ្រប់គ្រងគាត់អស់រយៈពេលពីររដូវកាល។ Ten Hag ឥឡូវនេះចង់ឱ្យ Antony ចូលរួមជាមួយ Manchester United និងជាផ្នែកមួយនៃបដិវត្តន៍ដែលគាត់សង្ឃឹមថានឹងនាំយកមក Old Trafford ៕
