អភិបាលក្រុង Liverpool លោក Steve Rotheram បានបង្ហើបឱ្យដឹងថា គាត់ត្រូវបានជាប់ក្នុងហ្វូងមនុស្សនៅខាងក្រៅកីឡដ្ឋាន Stade de France កាលពីថ្ងៃសៅរ៍មុនការប្រកួតវគ្គផ្តាច់ព្រ័ត្រ Champions League ហើយទូរស័ព្ទ និងរបស់របរផ្សេងទៀតរបស់គាត់ត្រូវបានលួច។
ក្នុងរយៈពេលប៉ុន្មានថ្ងៃចាប់តាំងពីការប្រកួតមក អ្នកគាំទ្រហង្សក្រហមបាននិយាយអំពីស្ថានភាពមិនល្អជុំវិញកន្លែងប្រកួត និងការប្រើឧស្ម័នបង្ហូរទឹកភ្នែកទៅលើអ្នកគាំទ្រ ពីសំណាក់ប៉ូលីសបារាំង។
Rotheram បាននិយាយថាគាត់ “ខឹងសម្បារ” ចំពោះអ្វីដែលបានកើតឡើងកាលពីចុងសប្តាហ៍មុន ហើយបាននិយាយថាវា “ពិបាកក្នុងការនិយាយ” ។
ក្នុងសេចក្តីថ្លែងការណ៍ក្រោយមក លោកបានបន្ថែមថា៖ “ក្នុងនាមជាអ្នកគាំទ្រពេញមួយជីវិត និងជាអ្នកតំណាងសម្រាប់តំបន់ទីក្រុង Liverpool ខ្ញុំមានការខឹងសម្បារចំពោះការប្រព្រឹត្តចំពោះអ្នកគាំទ្រ Liverpool ដោយប៉ូលិសបារាំង”៕
