PSG គ្រោងនឹងបាត់បង់ Kylian Mbappe លើការផ្ទេរដោយឥតគិតថ្លៃទៅកាន់ Real Madrid នៅរដូវក្តៅនេះ។ យោងតាម Sport Bild បានឲ្យដឹងថាពួកគេបានសម្លឹងឃើញកីឡាករ 4 នាក់ដែលអាចជំនួស Mbappe។
កីឡាករឆ្នើមសញ្ជាតិបារាំង ថ្មីៗនេះបានបង្ហើបថាគាត់បានសម្រេចចិត្តហើយ ប៉ុន្តែមិនទាន់ផ្លូវការនោះទេ រង់ចាំរហូតដល់ខែក្រោយ។ យោងតាមអ្នកសារព័ត៌មានលោក David Ornstein បាននិយាយថាគាត់បានយល់ព្រមលើកិច្ចព្រមព្រៀងមួយ ដើម្បីចូលរួមជាមួយក្រុមជើងឯកអេស្ប៉ាញ។
ក្លឹប PSG ចង់ឱ្យគាត់បន្តស្នាក់នៅ ប៉ុន្តែការផ្តល់ជូនកិច្ចសន្យាបំបែកកំណត់ត្រារបស់ពួកគេ ដែលមានតម្លៃជិត 1 លានផោនក្នុងមួយសប្តាហ៍ ត្រូវបានច្រានចោលដោយ Mbappe ដែលឥឡូវនេះគាត់មានចេតនាចង់ចាកចេញពីទឹកដីបារាំង ។ ទោះបីជារដូវកាលរបស់ពួកគេមិនទាន់ចប់ជាផ្លូវការក៏ដោយ ប៉ុន្តែ PSG នឹងប្រកួតជាមួយ Metz នៅថ្ងៃសៅរ៍ក្នុងការប្រកួតចុងក្រោយរបស់ពួកគេ ម្ចាស់ជើងឯក Ligue 1 បានចាប់ផ្តើមរៀបចំជីវិតដោយគ្មានកីឡាករវ័យ 23 ឆ្នាំរបស់ពួកគេ។
កីឡាករទាំងបួននាក់ដែលក្លឹបប៉ារីសកំពុងកំណត់គោលដៅមកជំនួសតំណែង Mbappe គឺមានដូចជា Darwin Nunez, Robert Lewandowski, Mohamed Salah និង Arnaut Danjuma៕
