អតីតខ្សែប្រយុទ្ធជម្រើសជាតិអង់គ្លេសលោក Daniel Sturridge បានទស្សន៍ទាយសម្រាប់អ្នកឈ្នះនៃការប្រកួត FA Cup វគ្គផ្តាច់ព្រ័ត្រយប់នេះរវាង Chelsea និង Liverpool ។
កីឡាករវ័យ 32 ឆ្នាំរូបនេះបានចុះកិច្ចសន្យាជាមួយក្លឹបទាំងពីរ ប៉ុន្តែទទួលបានភាពជោគជ័យបន្ថែមទៀតនៅ Anfield ហើយឥឡូវនេះបានគាំទ្រក្រុមហង្សក្រហមដើម្បីយកឈ្នះ។ គាត់ក៏បានទស្សន៍ទាយខ្សែបម្រើស្លាបរបស់ Liverpool កីឡាករ Sadio Mane ថាជាអ្នកបង្កើតបង្កើតឱកាសនៅយប់នេះ។
គួររំលឹកឡើងវិញដែរថា ក្នុងរយៈពេល 3 ឆ្នាំកន្លះនៅ Stamford Bridge កីឡាករ Sturridge បានបង្ហាញខ្លួនចំនួន 96 ដងដោយស៊ុតបញ្ចូលទីបានតែ 24 គ្រាប់ប៉ុណ្ណោះមុនពេលចូលរួមជាមួយ Liverpool ក្នុងខែមករា ឆ្នាំ 2013។ នៅទីនោះ គាត់បានរកឃើញភាពជោគជ័យមួយចំនួននៅដើមដំបូង មុនពេលញាំញីដោយរបួស។
គាត់បានចាកចេញពីហង្សក្រហមក្នុងឆ្នាំ 2019 ជាមួយការបង្ហាញខ្លួន 160 ប្រកួត និងរកគ្រាប់បាល់បាន 67 គ្រាប់ ហើយបច្ចុប្បន្នកំពុងលេងនៅ A-League របស់ប្រទេសអូស្ត្រាលីជាមួយក្លឹប Perth Glory៕
